Related Posts with Thumbnails
您好喔! 歡迎來到 Gie Travelism *\(^o^)/*

星期六, 9月 8

重遇長灘島(五).釣上黎既魚,即刻BBQ喔



好懶訓既我同大綿,因為起唔到身食早餐,所以一起身就即刻開始今日既節目,包船去釣魚、浮潛同去Puka Beach

今日天氣好好喔,最開心就是
見到藍天白雲喇


由於船家要去買魚餌作釣魚用,於是就駛左上途中一個民居既沙灘買,你地睇下,d水幾清喔!!!!!









跟住就繼續航行去深水處釣魚喇





點解我會揸住個膠樽呢 其實呢度係習慣用魚絲繞係膠樽度釣魚,後來去保和同宿霧都係咁喔!





最先釣倒既係船家,係一條藍色既魚,唔知食唔食得既呢一陣話你知,嘻







跟住另一位船家都釣倒喇,點解我同大綿仲未有動靜既





嘻嘻嘻嘻嘻,哇咔咔咔咔!!!!! 我一次釣左兩條呀!!!!! 係咪好勁呢,呵呵呵呵呵





連揸船先生都釣倒喇,大綿你.......唉





後來船家又釣多左幾條,就揀左部份出來.......





即刻係船上炭爐BBQ喇




唔知好唔好味呢?





胃食既大綿已經急不及待大啖食喇!!!!

即釣即燒既新鮮魚,真係好鮮甜好好味,一d都唔猩,仲好香口,去長灘島既朋友一定要試喔!!!!





我地仲帶左酒店送果支紅酒出黎,一路食燒魚飲紅酒,一路釣魚,正正正喔!!!!!!









我又釣倒喇!!! 但大綿只顧係度食食食





最後都比大綿釣倒一條,今日成績最渣你喔





食完美味燒魚本來打算浮潛,但船家說水流有d急,大綿話佢落去試下先





好快大綿已然飄左好遠,睇黎真係唔係好合時浮潛了





你睇下大綿個樣,就知佢淨得幾用力番黎,佢話水面睇唔覺,一落到水唔駛用力都沖左去,佢出盡力游番返黎喎 咁我都係唔落去喇





咁唔浮潛的話就前進去Puka Beach啦
離遠睇已覺得好靚喔





上岸望番出去,都是漸變藍色透明海喔! I love it!!!

不過Puka Beach,是因為Puka貝殼命名,沙灘是貝殼沙亦有很多很多貝殼,所以絕不幼細,但這亦是它的特色,所以不要誤以為它的沙粗喔!







很吸引的清澈海水,我要落去玩喇!!!!!{:2_115:}





冇污染的海水,真你好舒服喔~~~~~~





大綿都忍唔住衝落水喇








見有三個當地小朋友經過,同佢地傾左兩句,原來佢地準備出去捉魚,咁細個小朋友只憑蛙跳同一支魚鏢就可以捉魚,好勁喔!!!!!! 比著係我,捉一日都應該捉唔倒一條,三日都唔得,.......





都好晏我地仲未食野,係時候搵間餐廳食野喇





途中見到一塊貝類,似唔似獅子狗卷呢,哈哈哈哈哈 睇完就放番落沙灘了,天然生態唔好破壞喔





跟住我地就行左入去村裡面搵睇下食咩野喇





我地隨便揀左一間坐低,好肚餓要立即叫野食

先黎一個BBQ蝦串





再來一個煎蝦碌





仲有就係燒雞串





呢間餐廳好抵食,碟碟都係十至十幾蚊港紙左右喔{:2_115:}





食飽飽都差不多黃昏了,我地要回程順便睇日落喇{:2_62:}

回程途中,船家見到水底有海星,仲待登跳落水執比我睇,真係謝謝你喔,第一次見橙色海星呢!{:2_115:}









點解橙色海星會有六隻腳既??? 跟住就送番海星們回大海之家喇,bye bye~




太陽都準備番屋企喇









好開心的一天,要同船家bye bye喇{:2_115:}





太陽仲落緊山,我同大綿都好喜歡欣賞長灘島既日落

但呢張相,似乎大綿既綿腩搶眼d喔







實在太靚喔!!!!!!!!!



















要番酒店梳洗再食晚飯,一番入房,已見黃昏小食放了在枱面,很貼心的酒店喔{:2_86:}





係我沖涼其間,大綿接到酒店打來的電話,說為了歡迎我地第二次入住及大綿既生日,特意請我們到酒店的Indigo Restaurant食晚飯

我同大綿都很驚訝,梳洗好便落去餐廳了{:2_81:}





有一位Manger過來與我同大綿打招呼,然後向我們說很高興我們再次選擇入住Discovery Shores Boracay,加上為慶祝大綿生日,所以特意請我們這一餐晚飯,我同大綿當時又驚喜又開心啦 但之後呢位Manager既說話更令我同大綿吃驚,他說:「請隨便叫我們餐牌上的任何食物。」 Indigo Restaurant係長灘島來說是高級餐廳,Manger此話一出,我同大綿都呆了

雖然如此,但我同大綿都只是order了普通餐湯、頭盤、主菜及飲品,不知怎的總是感覺不好意思點較貴的食品,哈哈哈

先來兩杯果汁酒











跟住係頭盤蠬蝦仔芒果沙律





主菜大蝦意粉





以及唔記得什麼煎大蝦





食完飯見出面有人表演,就出去看看,點知表演者叫我一齊玩唔駛驚 但我真係好驚好驚喔





看完表演便番上房,怎料一入房間就見到.....









昨天check-in時明明酒店已送了生日蛋糕,點解今日又有既

我即時諗係咪送錯,但睇下個蛋糕個名又岩喎

話都冇咁快,酒店電話又來了(係咪有人監視我地幾時入房呢),職員話因為昨日錯誤安排生日蛋糕係check-in時送到房間 (因為之前email溝通好是昨天晚上的),今晚特意再作安排並送上一支香檳。我同大綿當然受寵若驚,但亦非常開心, 所以大綿今次係長灘島切第三個生日蛋糕了,哈哈哈