Related Posts with Thumbnails
您好喔! 歡迎來到 Gie Travelism *\(^o^)/*

星期三, 9月 19

可愛台北 (四).放了天燈啊!



正式開始我們在台北的五大可愛行程之一,平溪線一日遊喇!

當日一直下著毛毛細雨,心裡已打定輸數,但竟然
仍能達成出發前的心願,我真的放了天燈啊!

雖然丹迪旅店係包早餐既,但係懶訓既我同大綿當然係訓得一陣得一陣,訓訓下就過晒早餐時間喇

於是乎.......是日早餐就係台鐵便當同7仔關東煮

台灣既7仔關東煮好自助架,自己揀完放落個紙碗度,比錢既時候佢先去睇下你攞左邊款幾多粒然後收錢











注意! 我冇哨牙,只係咬住舊魚肉咋







由於台灣既火車係可以食野架,所以我就留番個台鐵便當上火車先食喇,你知啦,雖然肚餓,但一路行一路食飯盒.....好異相架嘛



火車未到,影下想先











我地就係搭呢架火車去端芳喇







上左車第一時間做咩!? 梗係開餐啦,好肚餓呀



有兩塊豬排、一隻滷蛋同一d配菜,再配埋有滷水汁既白飯







食喇......食喇.......食喇.......







途中望出窗,一路都落緊唔大唔細既雨,咁我一心諗住今日要放天燈同玩煙花架嘛 所以一路搭火車,一路只係不停咁同大綿講「哎呀...今日先黎落雨...點算呀...會唔會落成日架,會唔會放唔到天燈架...唉....仲未停架...點算呀.........*@#$^&(#&)$*#$&」



就係咁,呢程火車就冇心機影相喇



去到端芳站,就要轉乘平溪線小火車先可以去到青桐架,由於我地諗住會去青桐同埋十分,可能會出入火車幾次,所以我同大綿就買左平溪線全票 — 平溪線一日週遊卷







未到火車時間,又係端芳站影下相先:victory:



點解成日都係我影大綿架!!!!!















上車喇,估唔到平日11點幾都咁多人既







你地見唔見呀,大綿有一大一細相機,我又揸住一部影緊佢,已經有3部! 但其實,我袋仲有一部架!!! 我同大綿加埋有4部相機呀!!!!!!!!!!!! 嘩哈哈哈哈哈哈







坐唔定既我當然要週火車走,睇下有咩影啦







比我搵到個駕駛室!:victory: 但唔知點解每卡都有駕駛室,呢個係響兩卡車中間架

















好喇,一直行去車尾睇下先



唔好問我做咩,我唔記得左........











唔駛半個鐘,我地就到左青桐喇







不過仍然落緊毛毛雨......











一見到個車站,就覺得好可愛喇,好有鄉郊小鎮既感覺:D

























去青桐係一心諗住放天燈架,所以一落火車就去搵天燈阿嬤喇:)



無耐個天仲係落緊雨,於是我同大綿就係天燈阿嬤度食陣雪條,等下雨停啦.....:D











天燈阿嬤賣既係花花雪條,全部雪條都係一朵朵花黎架:D 唔同味道唔同顏色!



我就揀左粉紅色既士多啤李味,大綿就揀左啡色既花生味:D







上面幅相係天燈阿嬤個女幫我地影架,佢話阿嬤退休了,但天燈檔口係會一直做落去架!



佢仲好親切叫我地坐低慢慢食:)







影完喇,要大啖咬喇!!!!!!!







弊! 大綿唔好食住呀!!!!!!!!!!!!!!!!!!!!!!!!!!!!!!!!!!!:Q:Q:Q







已經太遲......食左先記得未影相......







大家見唔見到右邊既許願筒,我地食完雪條就唔記得左整







見雨細左好多,天燈阿嬤亦都話冇問題實放到天燈,於是我就好高興咁揀左個黃色架喇:victory::D:victory:



生日放天燈,YEAH~~~~~~~~~:D



天燈有4面架,先由大綿提字:o



咁既.....大綿你畫果兩朵花咁似......篤住兩隻荷包蛋既:o







由於係我既生日,其餘3面既願望歸我



我寫...寫...寫...寫...寫.........:victory:















寫完之後,天燈阿嬤仲興奮過我地;P,幫我地企起個天燈,叫我地同天燈4面影相:D



前面:)





左面:D





右面





後面:victory:





影完相,放喇!!!!!!!:D



天燈,天燈,我既願望,拜託你喇









有一對新人係火車軌度放天燈影結婚相,八卦既大綿又走去影人地:L