Related Posts with Thumbnails
您好喔! 歡迎來到 Gie Travelism *\(^o^)/*

星期三, 9月 19

可愛台北 (二).懷舊校園主題餐廳 — 放牛班

好喇! 我同大綿正式踏出去,開始我地既台北之旅!
一出酒店,就見有間7仔,未去過台灣,當然未去過台灣既7仔啦,所以第一站 — 7仔! 

好鍾意好鍾意食薯片既我,第一時間梗係去睇下台灣有咩特別既薯片啦

登..登..登..登.. 硯味薯片



好 Colourful 既飲品呀,由於香港比較少
呢種 size 既飲品,硬係 "懶" 新奇咁,唔口渴都要買番盒



話明可愛之旅嘛,揀都要揀番包 Kawaii 架啦

諗都唔諗就攞左呢包,粉紅草莓奶茶



結果.............................




我唔識講係咩味,總之就...............怪味! 奉勸各位都係唔好以貌取飲品喇


未去過既地方,一定係咁四圍望架啦 

 「情綿綿」!? !? !? :o




丹迪酒店就係響中山捷運站架喇




今日得半日,所以之前就 plan 左去行下街,食下野

我同大綿仲可以叫...年青既:o ,所以梗係搵番d賣潮流年輕野既地方啦 於是就先去忠孝敦化,夜晚再去師大夜市喇

係忠孝復興站落左車,就先去好出名既誠品見識見識 你知啦,呢d台灣 icon,點都要到此一遊既:D



入口既頂部有好多白色既紙條,好似羽毛咁架:D,我當然又唔放過大綿做d無聊野啦,呵呵



例牌到此一遊照



一埸黎到,我當然要感染下當地既文化氣息啦:victory::D:victory:



呢個.........:o




其實我係好鍾意睇書架 台灣既瓊瑤、橘子係我既至愛:D 但係旅行既時間係好、好、好珍貴架 所以我同大綿行左個圈就走喇:o

出左誠品,我地就直行去潮流集中地 — 忠孝敦化:victory::D:victory:

途中見呢區都幾得意架






咪住!!! 飛機餐之後就冇食過野喇 又話黎台灣好多野食,做咩仲唔食野先呀 !!!!!!!!!!!!!!!!!!!

比我嗌一嗌,大綿先醒起要同小綿去食野 於是我地就係咁週圍望,台灣街邊野食...台灣街邊野食....:L 一見到呢間,就好似如獲至寶咁,即刻買d台灣街邊野食試下喇



第一樣擺落口既台灣小食 — 臭豆腐 !:o




我同大綿都覺得一d都唔臭,似炸豆腐多d,因為係即炸既,所以個皮好脆,上面d酸菜仲好好食tim:D




我地就淨係食左呢碟豆腐就繼續行程喇,點解唔試多d:o!? 嘻嘻,因為我地會一路行去可愛得意既放牛班
:victory::D:victory: 所以要留番個肚一陣先食食食! 

剛才都講過黎忠孝敦化係行街架嘛,所以我地就真係係咁行,週圍睇,齍行冇收獲;P

呢度多數係一間間細舖,主打年輕路線,潮人潮服:D 我就覺得有dd似原宿喇,你地又覺唔覺呢:P?












知唔知點解我啤到咁行丫! 因為我地行左好耐,都未搵到「放牛班」呀!!!!!



大綿呀! 係邊度呀 日落喇 點呀 搵到未呀 喂呀!!!!!!!!!!!!!!!!!!!!!!!




其實放牛班就係我地不遠處,只係我地係咁係對面馬路兩頭騰

我同大綿攞住本台北指南係度騰黎騰去搵放牛班之際,突然望一望對面馬路,咪係對面囉!!!!!!!!!



「放牛班」係台灣既意思係一班成績同品性都不太好既學生,係壞學生班級既通稱黎架 而呢間放牛班就係一間懷舊校園主題餐廳喇

呢度所有野都好似真正既學校咁,食野既地方有課室枱櫈,牆上有大大塊既黑板,仲有作 VIP 房用既實驗室、酒吧用既福利社、廚房叫蒸飯室……仲有總務部,當然係校務員(老闆) 收學費 (埋單) 既地方啦 

呢度就係放牛班喇d








係門口可以睇下呢個放牛班試卷Menu,想食先入去




放牛班有兩層,一入到去就首先見到呢個大黑板同地下個跳飛機




裡面d枱櫈都模仿番課室入面果d架




 大綿你係出面做咩呀!!!!!!!!!!!!!!!!!!!!!!!!!!!!!!!!!!!




要停一停唔好影住,坐低嗌野食先,唔係既話我怕我同大綿影都影成個鐘呀!!!




好可愛既 Menu 






我呢本唔係 Menu,而係響櫃桶既課本,真係教科書黎架:D




一叫完野食,我同大綿已經即刻彈起身,又週圍繼續影相喇

大綿型唔型呢 呵呵




唔明乜野係「倒把」同「幹譙」 !? 你地有冇人知呀??? 








後面福利社就係水吧喇




哎呀,我地竟然影唔到d店員tim 呢度d店員個個都著住校服,好得意架

佢地仲好親切,主動幫我地影合照tim






野食黎喇,即刻番埋位 

由於呢餐都係 Tea 架咋,今晚仲要去師大放市,所以我同大綿只係叫左兩樣野試下

先黎放牛班好出名既「克難飯」:D

唔好睇呢個飯好似好簡單,大綿見到既時候都覺得"就係咁嗱!?? 點知一食,即刻忍唔住食完一碗又一碗 個飯係雞肉臘肉炒飯,極之香口,好味:D:victory:




跟住係大綿叫既炒花枝,對我黎講辣左少少

[img]h[/img]


係咪呢,睇下大綿食得幾開心:victory::victory:




食食下想去洗手間,一起身,大綿就話喇:「要唔要帶埋部相機去呀?」:o

真係知我者莫若大綿 梗係要啦:D 咁得意既餐廳可能廁所都好得意架嘛 大綿真叻

廁所係二樓,上到去又影下個環境先;P




嘩," 快樂便便 " :o 好快架咋喎,快樂!?!?!?




當你去緊廁所既時候,係你正正前面,你會望到




呢個「得意」廁所同我想像既得意真係有d差別:L

食完影完,我同大綿又要繼續下一站喇:victory::D:victory: 去總務處付款先;P