Related Posts with Thumbnails
您好喔! 歡迎來到 Gie Travelism *\(^o^)/*

星期六, 9月 8

重遇長灘島(七).我們的第一次海底漫步



同大綿食完海鮮午餐已經四點幾,突然心血來潮想去試下海底漫步,於是就係Station 2問下價,點知大部份都話太晏了,說經營海底漫步的店舖已不接生意跟住我地再去Sea World詢問,店舖職員都說已太晏沒有得玩,叫我們明天再來,但我地明天走了,如果今日玩唔到就冇了,於是我仍然不死心續一繼續問,果然皇天不負有心人,終於
比我同大綿問到仲有一間未收舖當時我地是向一位沙灘導遊查詢,可能佢見我同大綿好心急好想玩,一開價就是php3000一個人對於有做下功課既我,當然約略知道價錢是多少喔,問多兩問,竟然由php3000一個,變成php2500兩個,但呢個價錢仍然與我心目中的價錢有很大出入,我當然不答應喔,但大綿在旁邊卻說怕再晏一點就再冇得玩,不如就這樣啦氣死我喇 可能那位沙灘導遊見大綿軟化,於是企硬唔減哼! 咁我就唔玩啦,走!!!!!! 就算玩唔到,都不能夠明知價錢做傻瓜架嘛! 於是同大綿諗住行去D'Mall買野飲途中,又人其他沙灘導遊向我們招手,雖然大部份都說已收工了,但竟然有一個還可以帶我們去,而開價是php2000兩個人連CD,諗住再講少少價,怎料佢自動減到php1000兩個人連CD我們當然很高興立即成交多奇妙的一次經驗,由php3000一個,到最後是php1000兩個 大家格價真的不要懶喔!

這間就是Sea World,我們在此竟然撞到剛剛潛水回來的Thailandfans營友,大家相認say個hi喔





與沙灘導遊傾好價錢就搭Tricycle去另一邊Bulabog Beach乘船出去玩喇







落水前與船員拍個照{:2_115:},因為第一次玩,好擔心個頭罩落到去如果入水點算,所以好驚呢位船員仲係我落水前不段同我講笑同我玩,很好人喔!





落水喇,我似被捉去做實驗嗎? Wakakakakakakaa





未開始餵魚仔前擺個post影相先,heehee





大綿話要來個水底擁吻,可惜頭罩撞頭罩,不行





開始餵魚仔喇,我好驚d魚會咬我,大綿有大綿餵魚,我有我起勢捉實大綿














魚呀魚,唔該借借,我想影個相喔











呢位就係專門幫我地影相製CD的船員喇





玩完海底漫步,都係時候日落了,於是去左Jonah's買番杯shake,一路睇日落一路飲





長灘島既日落每天都很美,雖然今日夕陽被雲層遮蓋了,但滿天紅霞仍時很動人喔













欣賞過醉人日落,怱怱回酒店沖涼梳洗,就去了吃今晚的西班牙餐了
與Ole同是西班牙餐廳,我同大綿比較喜歡這間Dos Mestizos的情調與味道















在這裡吃飯,有 live band 唱著歌





先來我很喜歡的Sangria










我與大綿一致認同這個海鮮西班牙飯比Ole美味喔{:2_115:}











由於當晚沒有很多客人,我們慢慢吃,邊聽著很喜歡的外國民歌,邊又飲了多幾杯Sangria,一坐便到12時才離開喔







回到酒店,小食又已在茶几上





還有隻毛巾天鵝與我say goodnight





在露台再看看長灘島滿滿天上既星空,開心既一日又完了