Related Posts with Thumbnails
您好喔! 歡迎來到 Gie Travelism *\(^o^)/*

星期三, 9月 19

可愛台北 (六).閑閑十分 與 青桐夜放煙花



上回講到我同大綿放左天燈又寄左木明信片番香港,咁究竟平溪線仲有咩做呢?

先去十分飲杯野先啦~~~~~

咁我地就由青桐搭小火車去

十分喇



落車見到呢個地標,梗係要影番張相啦







青桐同十分d印仔唔同架,我又要印印印印印.......









一出車站就會見到呢間賣天燈飾物既舖頭,呢個「十分幸福」大天燈,當然又係必影境點啦









我都要帶住「十分幸福」番去,即刻走入去揀番個先











我就要呢個啦!要幸福....幸福呀~~~







剛剛咪話去十分飲杯野既,去邊度飲呢!? 就係小火車站對面既樓仔厝喇~



望下見唔見到呢?







嘻嘻係咪睇唔到呢,咁我帶你去啦......



先橫過火車軌,小火車一小時一班,所以我同大綿好放心咁係度擺 post 影相喇





然後就即刻見到樓仔厝喇,係咪好易搵呢,呵呵呵







咁點解要去呢度飲野呢!? 因為佢既佈置特別,大家一齊睇下啦!

































坐室外可以睇下風景,所以我地揀坐外面喇









環境都幾優閒寫意架,係度嘆杯茶真係唔錯,唔錯









大綿唔鍾意飲熱野,叫左杯雪糕新地,總覺得呢杯野同個環境格格不入大綿都唔詩意既













黎得十分,相信大家一定會諗起十分瀑布,可惜我地去十分既時候個瀑布關閉左,原因不明





嘆完Tea,見到樓仔厝前面有條吊橋,本來想行過去睇下,但雨愈落愈大,於是行埋去影個相算了















見落雨,加上星期一好多舖頭都冇開門,我同大綿決定番去青桐,完成埋我第二個生日活動,就係玩煙花喇!!!!!



又去搭小火車了..........
                      




出發前做過很多research,但都找不到台北那裡有煙花賣,加上那天一直下雨,心想煙花應該玩不成了! 幸運的是,就在我們在青桐連士多也不放過地入內參觀時,就給我們見到仙女棒、龍吐珠!!! Yeah,生日有煙花玩啊



一出青桐車站既士多就見到架喇







認住喇,就係我地身後面果間喇







小火車一小時後先到,我同大綿決定走去火車軌度放煙花喇









先玩仙女棒 太開心喇~~~~~~~









我同大綿先黎個熱身,亂咁畫,呵呵呵









好喇,熱完身,開始表演喇



等我黎先!



圓型......







星型........







心型........







到大綿喇!



方型.............







三角型.............







嘩!!!!!!!! 大綿好叻呀! 雙十字呀!!!!!!!!!!!!!!!







跟住到玩龍吐珠喇




龍吐珠係會不斷變色,同埋好大煙架~~~~~~~~~~~~~













好開心咁玩完煙花,都差唔多七點喇,我地今晚要去士林夜市,走lu......走lu.......



等車既時侯好肚餓,大綿唔知係邊度買左個飽比我食,先醒起今日未食晏架



又搭小火車了,今日好似上上落落左好幾次







成架小火車好似得番我同大綿兩個,車長先生巡車既時侯仲坐低同我地傾到落車tim



就係呢位
車長先生喇





車長先生好熱情,介紹佢既工作比我地知,又話比我地聽佢以前唔係負責平溪線,但黎左知後好鍾意呢度。然後又介紹我地邊度d野好食,又同我地研究我地跟住果幾日行程



我同大綿仲叫佢評分,究竟我同大綿邊個講普通話好d,哈哈,佢支吾左好耐都唔肯答,我諗佢應該覺得我同大綿係海軍鬥水兵,兩個都咁差!!!



仲有樣得意事,車長先生對我地香港人既生活都好好奇,佢問我同大綿人工幾多啦,有幾多日年假啦,番工時間啦,同埋去台灣旅行要幾多錢啦............
車長先生比我既感覺係好可愛,哈哈



我比左我本印仔簿佢睇,佢好興奮咁話佢都有一個印仔,問我可唔可以印埋落去! 當然可以啦,歡迎之至!!! 果個印仔就係佢幫人印車票個印仔喇! 哈哈! 如果你地都好似我咁係咁印印仔,記住唔好漏左
車長先生果個呀

就係紅色果個,不過影得唔好濛左







可愛既車長先生










你一句我一句,眨下眼就番到去端芳喇,好開心同車長先生傾偈,Bye Bye la







剛剛咪話好肚餓未食lunch既,所以轉火車之前先去車站附近買短肉澡飯上車食









跟住就去買火車票番台北站喇











一上車,即刻開餐! 好肚餓呀~~~~~~~~~~~~~~~~~~







雖然賣相唔好,但味道ok架!