Related Posts with Thumbnails
您好喔! 歡迎來到 Gie Travelism *\(^o^)/*

星期五, 9月 7

藍天綠海宿霧 (二).藍天 白雲 翡翠海 .Part 1



前面提到,我同大綿係Cebu既第二日行程就係出海喇,但點解係第一日唔見我地搵船家book既呢!?

其實我地
早係出發前已經email同船家約好,講好價錢,佢地第二日就會係酒店Lobby接我地喇呢個
船家好 in 架,有email仲有facebook,我而家仲同佢係facebook有keep in touch架~


花少少時間講下呢個船家丫,或許將會去Cebu既營友會對佢有興趣!呢個船家叫 Nypol,仲有佢細
佬 Ryan,去過Cebu 既營友可能都識或聽過佢,我亦見網上好多地方都有人討論過佢,同佢言談間
,Nypol 亦告訴我佢生意既90%係來自香港人,而係佢 facebook 更成日見到好多香港人搵佢出完
島,番黎tag番佢相,所以我同大綿亦搵左佢帶我地出島喇
對於 同 Nypol兄弟既出島之行,我同
大綿都比 Good Good Good!!!
 佢地點樣好呢!?大家可以睇下我地第二日同第三日既出島之行,
睇下喜唔喜歡
佢地成日有句口頭禪,就係 "Smile!",Nypol 話明白去玩大家最緊要開心,所以佢
同Ryan都會成日講笑同引你玩,另外佢地亦話明白到香港人好重視 Service,所以佢地係好熱誠有
禮同細心架!



好喇,好喇,我再唔開始第二日,我怕你地話我以阿婆咁長氣喇,哈哈哈哈哈


出發前約好 Nypol 10點鐘係酒店 Lobby 等,我同大綿當然又係唔到最尾一刻唔願起身啦結果
9:45am先衝到落去食早餐,經過Lobby已經見到 Nypol 同 Ryan坐左係度,我地過去同佢地打
左招呼,即刻去食左個飛快既早餐,所以連相都唔記得影
Shangri la 既早餐,一個字 "正"
野食多野飲,可惜我同大綿就只怱怱食左呢一次快早餐,第三日既朝早,我地又唔知醒起身,
食唔到了.....



食完早餐,就上左 Nypol 架 Tuk Tuk 去碼頭,只需幾分鐘車程就到喇。Nypol 同我地解釋佢今
日另有一 group十幾個香港人到步,幫佢地book左酒店要去安排接送,所以由佢細佬 Ryan 帶
我地出海,我同大綿當然冇問題喇,最緊要玩得開心之嘛,但 Nypol 就表現得好唔好意思,仲企
係碼頭揮手一直目送我地離開。


今次出島既船,比長灘島既大,除左 Ryan,另外仲有3個船員,而我地lunch既食物,係由 Nypol
同 Ryan既媽媽親手整架,所以我見佢地自己都食得好開心喔
起程囉~~~~~




我地今日既行程係先去 Hilutungan island 浮潛,然後去 Sulp island 食 lunch,跟住再去
Olango island 附近即捉即食海膽


最開心就係見到藍天白雲,心情愉快無比喔





呢位就係 Ryan 喇,佢話好多香港人都話佢似奧巴馬,你地又覺得似唔似呢?哈哈!

Ryan 比左張相我地睇,原來佢岩岩攞左Cebu健美先生第一名 係咪好健碩美麗呢?大綿你冇得比喇....





乘風破浪!!!吹到個頭靚到呢.....




想點呀你地..... 大綿仲要展示埋腰間既可愛小肥肉





到喇!!! 第一站 Hilutungan island,不過我地唔會上岸,係響呢度作我地 Cebu 既
第一次浮潛喔






你地有完沒完呢.....我唔需要加插睇特別表演喎




落水前,Ryan 會逐一檢查我地既mask同蛙鞋有冇帶好,然後佢就話佢同另一船員會各自一人
帶我地一個落水,用意帶係領我地邊度有魚睇,亦方便幫我地拍照。Ryan 見我比較緊張又細膽
,所以佢負責帶我,大綿就同另一船員落海喇!!!




嘩!!!一落水就見到好多魚圍埋黎,我驚到揸實d麵包唔放,仲哩埋係 Ryan 後面,你地睇下
我幾傻瓜,見唔見到我係 Ryan 後面手指指又唔敢餵魚呢,wakakakakaka






呢條唔知係咩魚呢,佢地游得好慢架,又唔驚人,可能日日有咁多人睇佢,佢地已經見怪不怪了
...哈哈哈








由於相機係大綿度,唔能夠幫大綿影相,所以你見又係我個樣喇,嘻嘻....

大綿好叻叻!潛落去捉左隻海星比我睇呀







嘩!嘩!嘩!呢兩條係咪海鰻呢????? (由於傻既大綿話想試下係水底開閃光燈,所以以下
黎緊既相d顏色係....好奇怪!






你地睇下!!!!! 條魚比大綿既閃光燈閃到幾驚!!!!!! 





又係大綿搞到d魚發晒光....,奉勸大家千祈唔好學大綿走去開閃光燈.....





大綿你唔好再搞d魚喇 你睇下d魚都望住你喇!!!





Ryan係水中表演吐水泡泡,但我地影唔到....





另一個船員又表演花式比我地睇





呀~~~~~ Ryan又游開左,大綿又唔係度,我好驚呀~~~~~~~





如果d魚游埋黎,我攞海星篤佢!!!!!!





大綿番埋黎喇,yeah~~~~~




另一位船員都好搞笑,成日係水底度同我地玩{:2_115:}








嘩~~~~~~ Ryan又過黎扯我去d魚群度喇,我唔去呀~~~~~~~~





其實仲睇到好多好多唔同既魚,不過我冇相機係手,大綿又掛住同另一個船員周圍游去玩,所以冇
影到,你地真係要親身去睇下呀



浮潛完上水,有人走上我地架船賣海鮮,因為一陣上島可以BBQ,不過見佢價錢較貴,又冇我地想
食既手臂長瀨尿蝦,咁就留番第三日出海先食喇。









好喇,而家要出發去 Sulp Island食 Lunch喇