Related Posts with Thumbnails
您好喔! 歡迎來到 Gie Travelism *\(^o^)/*

星期五, 9月 7

宿霧 (二).藍天 白雲 翡翠海 .Part 2



雖然無膽既我一路都戰戰兢兢,但浮潛感覺真係好正,好似係個大魚缸裡游來游去咁架!

上番船,跟住就去SulpIsland  lunch!

我地到左Sulp Island喇,我同大綿望住個海,不禁驚呼:「嘩!
 好靚呀~~~~~


D海水好清好清,你望下張相後面,見唔見到d水其實好淺架咋






Sulp Island係一個好細既小島,出海既人會停泊係度歇腳食晏,島上除左有幾涼亭外,就什麼都沒有了,我都唔記得影個島既外貌,成日掛住d透明海水tim,嘻嘻嘻…..

要行上島上喇 . . . . .. . . 
坐底左係一個好似涼亭既地方,亦係望住個海架,忍唔住,又要讚下佢靚先,哈哈





係我地掛住影相同埋仍然陶醉係個咁靚既海的時候,Ryan同埋其他船員已經準備緊我地既午餐,我地又miss左影唔倒喇唔緊要,我地第三日有影番,佢地係用炭爐即時BBQ唔同種類既串燒,而d串燒全部都係由 NypolRyan既媽媽親手調味架,所以我見Ryand船員都食得好開心架!

見唔見到張紅色格仔枱布呢,好乾淨架,佢地真係好貼心,話咁樣會食得舒服乾淨d

初初我同大綿仲以為呢度已經係全部野食,點知……..





先來個蕉葉包飯,Ryan話佢好鍾意食,可惜要做健美先生要戒飯




跟住係燒蝦同燒魚




塊魚都好厚肉架




再黎兩串原隻燒墨魚




係咪都好大隻呢!




點知仲未完,仲有好幾串燒豬……




同埋大大串既燒雞……




貼心既佢地仲整埋靚靚新鮮果盤作飯後甜品,so nice!!!!!




見到咁多野食,好自然諗住係同埋Ryan及其他船員一齊食啦,點知Ryan竟然話佢地已經準備左自己果份,呢d全部係我同大綿兩個架!!!!!!!!!!!!!

你地睇下,我地成枱都係野食呀~~~~~~~

唔記得講,成個船程所有汽水啤酒係任飲架!




食野期間,會有些當地人過來彈琴唱歌給你聽,你亦可點歌給他們唱,若覺得他們表演得好,可隨意給他們一些tips 




食飽飽,本想係呢個咁靚既海灘玩陣,可惜Ryan話開始水漲,再唔走一陣隻船泊唔到埋黎,咁唯有好依依不捨咁走了…….

我地又開船出發喇,黎緊既節目就係睇第二款海星同埋即捉即食海膽喇!!! 好興奮喔! 我同大綿從來未試過即食海膽架,唔知係咩味既呢??????

Ryan帶左我地去Olango island 對開既海面,準備同大綿潛落去搵海星,由於我唔敢唔著救生衣落水,所以今次冇我份喇

Ryan介紹左隻自製既蛙鞋比大綿,話佢呢款比普通蛙鞋係海裡面郁動更容易,大綿試過後話果然不同,你地去到記住要試下呀

就係圓圓既呢隻喇

    
大綿努力呀,睇下尋唔尋到海星!




不消一陣,大綿就見到第一隻海星喇





又有兩隻




Ryan話你續隻續隻搵實在太慢,佢一隻手就拎倒幾隻了




結果Ryan勝大綿一隻贏左!

之後我地即刻放番d海星落水喇,唔好意打搞你呀海星




睇完海星,到壓軸既新鮮海膽刺身喔!!!!!!!

我地隻船又再駛遠了點

張相影得唔清楚,其實d海水清晰可見水底下面既海膽架




今次由另一船員落海捉海膽了







嘩,好多收穫呀~~~~~~~~ YummyYummy……..




一捉上黎既海膽未可以即刻食架,船員會劏好洗淨再靚靚上碟比你品嚐



孤陋寡聞既我,而家先知海膽唔係360度有刺架







呢種好似粉紅色既海膽好特別喔,我亦覺得佢比較鮮味好食,呵呵




船員小心咁劏緊d海膽



  
大綿覺得d海膽好得意,係咁同d海膽玩遊戲……




嘩,我地唔駛食咁多海膽喔,放走一些可以了




開餐喇!!!!!




嘩,大綿你唔駛咁急呀,塊面仲滴緊水喎,抺乾先啦!




好鮮味既海膽喔!!! 初入口時覺得佢好鹹,因為比海水影響,但嗒真d,就覺得好有質感好鮮味,絕對唔係平時食既一pat pat架,我同大綿加埋竟然食左十幾隻,yummy yummy~~~~~~~{:2_132:}




食完海膽,我地今日既行程就完畢喇,由於水漲既關係,我地要搭呢架水上taxi番上岸