Related Posts with Thumbnails
您好喔! 歡迎來到 Gie Travelism *\(^o^)/*

星期五, 9月 7

藍天綠海宿霧 (一).熱浪假期...開始!!! .Part 2



係行出沙灘之前,我想長氣d先講講Shangri la既位置,好讓一些好似我同大綿咁,第一次去Cebu既營友約略知道下個地理環境

呢度幅圖我加左Shangri la同SM Mall既地標,希望大家會更明白啦A字係
Cebu Airport。


Shangri-La's Mactan Resort and Spa Cebu agoda 資料:
http://www.agoda.com.hk/asia/philippines/cebu/shangri_la_s_mactan_resort_and_spa_cebu.html?cid=1606447


我同大綿有一晚都出左去SM Mall,詳情遲d我地再講丫  


參觀完間房,我同大綿就即刻換衫走落去沙灘玩喇  

其實Shangri la都有一個大泳池同一個infinite pool,不過我同大綿太想擁抱左個陽光海灘先,所以第一時間衝左落沙灘先喇  

又長氣少少講講丫,係我搜集資料時知道,圍繞住整個Mactan Island都係礁石,所以整個島都唔會有幼白沙灘,取而代之,大部份都係酒店自設既人工沙灘,d沙都係由第二度運黎,所以大家唔好期望太高,尤其係去過長灘島既營友。不過! 我想講既只係圍住Mactan Island 既沙灘d沙唔幼,個沙灘仍然好靚架要睇天然既靚海靚沙灘,一定要出島! Cebu既小島嶼,我同大綿都覺得Good Good Good架!!! 雖然沙灘輸比長灘島,但我自己覺得,Cebu既海比起長灘島係有過之而無不及架!!!!!! 



好喇,嘻嘻嘻....又講左咁耐,我地一齊行去沙灘lu 
我同大綿都好興奮,又見番係長灘島見過既菲律賓招牌漸變藍色海喇!!!!!!! 




沙灘環境唔錯喔,完全感受到強烈既渡假feel










再望番上去就係我地住既房間喇!




天氣真係好好喔!!!!!!


咁好既天氣同海灘,大綿話要啤啤佢慶祝我地既旅程好開始! 




飲飲下啤酒,不如食個藍天陽光加大海陪襯既High Tea丫,嘻嘻嘻 

呢個炸雞翼係我嗌既 




大綿就揀左個Pizza 呢個Pizza既菠蘿唔係罐頭架,係用新鱗菠蘿架,Yummy~




我同大綿既美好下午茶! 去旅行既時候,真係食咩都特別開心架{:2_115:} 



你睇下我地望住個藍藍大海,坐係有太陽傘既籐椅下食下午茶,係咪好Happy Happy呢!!!! 嘻嘻嘻....  




食飽飽,要伸展一下,大綿要同佢個friend 鴨仔先生落水玩下喇 






d水都好清架,行出少少仲有好多大小魚群游黎游去 




見酒店有notice話會有呢d危險魚類,細膽既我即時唔敢游出去 




其實酒店都有好多水上活動比住客玩,好似獨木舟,水上電單車等,仲有呢樣我同大綿睇極都唔知佢點玩既活動......  












hea下...hea下時間好快過,太陽伯伯開始下山了,雖然呢度睇唔倒鹹蛋黃,但日落既天色都好靚架 



















呵呵呵呵.......係番上房前,我偷拍左大綿既沖身照,大家估唔估到佢隻手做緊咩呢? 呵呵呵呵 




日落既時候冇左大太陽,仲有微風吹過來,咁舒服既情調下,我同大綿又係花園坐左陣先番上房沖涼換衫