Related Posts with Thumbnails
您好喔! 歡迎來到 Gie Travelism *\(^o^)/*

星期五, 9月 7

藍天綠海宿霧 (一).熱浪假期...開始!!! .Part 3

係沙灘玩完番上房,又再出露台睇下個view,總覺得個天色好浪漫喔~



由一早出門口起程到去到Cebu,我同大綿都未有真真正正食一餐,所以我地倆個都好肚餓了! 沖個涼換件衫立即諗住出SM Mall搵野食 Shangri la係有free shuttle來回SM Mall的,並有
指定既schedule,可惜我同大綿太晏,miss左最後一班(冇記錯的話好似係晚上七點) ,於是諗住搵tuk tuk或的士出去啦,但酒店既職員就建議我地當晚唔好出SM Mall了,因為車程要約30分鐘,而當時已經差唔多八點,SM Mall又十點閂門,佢話我地會好趕。我同大綿都覺得佢講得好岩,於是就決定係酒店附近行下,睇下有咩食,第二日先再去過SM Mall喇 

不過.......酒店附近真係食市唔多,只得兩三間,其中一間係食韓國野,一間食海解,隔離有一間便利店,不過我同大綿之前做research都大概知道附近環境如何,有定心理準備,而第二日我地將會一早出島,所以就隨聽聞酒店對面既一間西班牙餐廳唔錯,就決定去呢間叫 Hola Espana 既餐廳試下喇 




如果將有打算住Shangri la既營友,我同大綿都會推介下呢間餐廳,因為我地倆個都一致覺得d野食好好味喔 先睇下我地嗌左d咩野食丫 


呢款係我好鍾意既西班牙cocktail,Shangria! 紅酒加果汁,但其實我唔識飲酒,飲唔夠一杯已經塊面紅到好似關公! 哈哈,所以最後都係由大綿一手包辦晒喇  





而以下菜式我都唔太記得名稱了,會再問問大綿記唔記得,再話比大家知! 雖然睇外貌唔太吸引,但味道我個人覺得真係good good,尤其碟蝦,我同大綿一路食一路話: 好好味喔~~~~~~~ 








呢個係墨魚汁西班牙飯,唔好睇佢賣相黑麻麻以為唔好食呀,個味道係好鮮同香口架,Yummy 

 


見唔見到舊檸檬,係咪好似點左墨水呢,呵呵呵呵呵 





好喇,由我試先........




嘩......食都成嘴黑麻麻呀~~~~~~~~ 





望下大綿.......好似中毒,連d牙都唔見埋 




呢個可以拉起好長芝士既,我諗極都唔記得係咩黎 等我問下大綿,佢玩得咁開心應該記得的,呵呵




你地睇下,我地倆個係咪好無聊呢,仲係度玩緊碟黑麻麻飯,嘻嘻 不過就因為碟飯,我地餐飯就係不停嘻嘻哈哈中渡過了,兩個低能怪.......  




當初選擇住Shangri la,已經知道距離Cebu City遠了點,而附近亦沒有店舖可行,食市亦只寮寮兩三間。但其實呢個情況不單出現在Shangri la,在Mactan island既酒店情況亦差不多。因酒店多建在沿海,其餘便是民居居多,商業一概都建設在Cebu City。不過如果你喜歡既係沙灘、大海、小島,住在Mactan island會比較方便,亦較有渡假感覺。而如果較喜歡逛商場,參觀Cebu City建築教堂等,就會住Cebu City果邊較方面了。

飯後我同大綿去左酒店活動室搵野玩,見有桌球,忍唔住要捉大綿陪我玩 







當然! 我係贏........唔到大綿啦!!!! 

係活動室坐左陣飲杯野就番去訓覺了,因為聽朝一早約左船家出海浮潛喔!!!!!!  係咪好奇怪點解我地冇去book過船家出島呢 下回再同大家分解!!!