Related Posts with Thumbnails
您好喔! 歡迎來到 Gie Travelism *\(^o^)/*

星期五, 9月 7

藍天綠海宿霧 (二).藍天 白雲 翡翠海 .Part 3

出完海番到酒店,見仲未天黑,就同大綿去泳池游陣水喇



唔少得既梗係
大綿個friend鴨仔先生啦

睇下大綿同佢幾friend.......



酒店有浮床提供,大綿同鴨仔先生玩到完全忘我境界.......




大綿同大鴨玩,我就同細鴨去潛水喇



我既泳姿美妙嗎? 呵呵呵呵呵




突然又見大綿出現.......





係我同大綿潛黎潛去既時侯,大細鴨終於.....甩難了!!!




呵呵呵....唔好意思冇聊左咁耐,我地游完番上去沖涼換衫喇


日落lu~~~~~~~~






我同大綿仍然成七點幾先準備出去SM Mall,所以又冇得坐free shuttle了

初時仲以為好容易搵車出去,點知等左好耐都冇的士,而tuk tuk一係唔肯出Cebu City,一係獅子開大口好彩當時有兩個酒店職員放工,佢地見我同大綿好無助咁企係條街度,就主動問我地想去邊,然後就教我地可以搭10php公共tuk tuk,係去Cebu City條橋落車轉的士,因為佢地都係同路,所以就帶我地一齊搭喇,佢地真係好好人,仲走去幫我地比埋錢,我地當然拒絕啦,即時塞番20php落佢手,仲非常之感激兩位既幫忙

去到橋頭,兩位職員小姐好熱心幫我地截的士,仲同的士司機交代好要收meter,然後再同我地講車資大概100php,我地真係好多謝佢,跟住大家就揮手道別喇上左的士約15分鐘後就到了,車資九十幾php,但我怕回程難搵車,因為由Cebu City番去Mactan Island Shangri la需要差唔多30mins,而的士入左去就好大機會要空車出番黎,於是我就詢問那位的士司機可否送我們回程,當時佢都一口拒絕,因為當時約八點多,而我同大綿打算行完supermarket食埋飯先走,預計SM Mall十時閂門先回程,幸好之前做過功課,大約知道包車來回Mactan Island同SM Mall要300php,於是就問的士司機呢個價錢包埋剛剛那程車資可以嗎? 他諗左諗,就答應了! 幸好我們約定了他,我同大綿走既時候一架的士都冇,得佢係度等我地咋,見好多本地人都自己揸車走,而等的士條龍就好長好長...........

呢度就係SM Mall喇!





由於當時已經好肚餓,但又趕住去左supermarket先,所以就買住少少野食先喇




好抵好抵......為番兩個幾港紙一年咋




跟住就行去supermarket喇,睇下supermarket提供既BB車幾得意



入到supermarket,第一眼見到榴槤! 可惜大綿係絕對絕對唔食既,所以就冇試lu




嘩!!!! 有冇見過supermarket有成條line賣芒果乾架!!!!!!!




我地買左d咩,一陣先post d戰利品比你丫

而家趕住去食野先喇,因為商場閂十點,我地行行下都差唔多九點了!!!!!!


SM Mall除左Supermarket外,都是一些服裝、護膚品、電器等一般商場店舖,所以我同大綿都冇多行就趕住去食晚飯喇! 是日晚餐,我地隨便揀左呢間菲式餐廳Gerry's試試~




睇下Menu,發現係菲律賓飲酒係好抵架!可惜我唔識飲......



咁就唯有飲菲律賓好出名既Mango Shake啦





然後再order左......


Sizzling Gambas,我都唔知係咩黎架,淨係知有蝦! 嘻嘻嘻


職員會係你面前張隻氐雞蛋撈落去好熱好熱既pan度








跟住係 Baked Scallops



仲有 Spicy Garlic Chicken




呢個炒粉絲叫 Pancit Bihon



當然唔少得我好鍾意既Garlic Rice啦




雖然呢餐唔算特別,但亦不過不失,去旅行食咩都寧捨開心的







食飽飽,商場都開始閂門了,我地就係門口搵番剛才既的士司機番酒店喇


今日係supermarket就買左呢d喇