Related Posts with Thumbnails
您好喔! 歡迎來到 Gie Travelism *\(^o^)/*

星期六, 9月 8

重遇長灘島(一).重臨這美麗小島 Shangri la Boracay

呢次既長灘之旅係搭Philippine Airline經Manila轉機去Kalibo,所以一大早8:25am就起飛喇,早d去早d到嘛,但懶訓既我兩當然又係最後一刻先到機場啦,未食野餓肚子,特別覺得個飛機餐好食,嘻嘻嘻!!!



我同大綿又再次黎到馬尼拉機場喇! 因為得 1hr 15mins 轉機時間就要上11:40am既機飛Kalibo,所以
我地係香港機場Check in時就問一下地勤小姐可唔可以盡量安排坐前小小方便快快落機,菲航既地勤小姐好好人喔,分配左較前位置比我地,所以你地睇下,其他人都未過關我地已經去到行李帶了




攞左行李即時交比旁邊負責轉機行李既職員,呢個時候仲同一位營友相認了,大家都趕頭趕命轉機,哈哈哈,之後就急急腳上樓上轉機喇

係侯機大堂見到有Laptop Station,大家下次唔似我地咁趕的話,可以順便幫d電子儀器叉叉電喔,呵呵




可能係飛Kalibo既原因,所以係大機,今次同螺旋槳機冇緣了




一個小時機的小食




同大綿傾下傾下,一小時貶下眼就過了,我地到Kalibo啦!!!!!

因為係細機場,是沒有接駁隧道或車,所有乖客都需要由停機砰行入機場的喔

落機時見機場職員好nice咁同我地揮手,於是我同大綿就去走去同佢地影相喇,旅行心情愉快咩都影一餐嘛,wakakakaka













可能呢兩位職員見我同大綿係出面影相影得咁開心,我行入Arrival大堂時,前面白色衫位職員走過來話同我影張相,但......請問佢隻左手做咩呢!!!!!?????




由於今次頭3晚的酒店包Kalibo機場至酒店既車船接送,所以一出機場就見有酒店職員攞住我地既名牌了,跟住我地就行過對面上酒店安掛的van仔了,沿路上見到當地小朋友,千祈唔好誤會佢地來攞錢,佢地見到我時只係同我揮手微笑,我同佢地影相,佢地仲過黎睇番張相,跟住嘻嘻哈哈好開心咁笑,我架車開巴走既時候,佢地仲係咁同我揮手bye bye呢






因為酒店職員只需接我同大綿,所以一上車就起程了




1.5hr既車程就到左Caticlan Pier了,就快又可以再見我同大綿好掛住既長灘島喇








酒店既船未到,係佢既lodge飲杯Welcome drink先




船到啦,好心急呀! 快d上船喇!!!! 




大綿話既然得我地兩個坐,唔好咁迫一人坐一邊喎




係我地極之興奮同期待既心情下,好快就到左今次第一間酒店 Shangri-la Boracay 喇!!!


Shangri-la Boracay agoda 資料:
http://www.agoda.com.hk/asia/philippines/boracay_island/shangri_la_s_boracay_resort_and_spa_philippines







見到呢個好清澈既綠色海,我同大綿即時 Wa Wa 聲,心情更更更興奮喔




上左碼頭後職員會再揸Golf car送我地去Lobby check-in,大家唔好誤會,後面淨係得個紅色喼係我地架咋








Lobby 環境








辦好Check-in手續就上去我地頭3晚住既房喇









'Occitane 既 Shower Gel, Shampoo, Conditioner 同 Body Lotion 好開心喔 後來仲發現冇論我果日用左幾多,第二日都會放支新既係旁邊呢









好喇好喇,好心急要睇下佢既露台view係點既呢


登! 登! 登! 登!






嘩)))))))))))))))))))))))))))))










實在太靚喇
!!!我同大綿都好開心睇左好耐,大家不停同對方重複:「好靚呀!」, 「真係好靚呵!」, 「你話係咪好靚丫!」,當大家不停同對方重複左唔知幾多次次後,我地都覺得要動身開始我地既旅程喇

酒店有免費車出去D'Mall,但係有固定既schedule,只要到時間行出去 concierge 同職員講就可以了,我同大綿決定係酒店行下黃昏先再出去





酒店都幾大喔,不過只要想去酒店範圍邊度,打去front desk就會有Golf car過來接你過去,我同大綿諗住想周圍睇下就自己行了,但因為第一日人生路不熟,竟然行行下唔知行左去邊唔識路番房,結果好彩撞到一個酒店職員,我地好醜怪咁同佢講話搵唔到路番房,佢即時好似警察見小朋友迷路咁,叫我地唔駛擔心,佢即刻用對講機call Golf car送我地番去,我同大綿真係醜死怪

都怪出門口冇睇呢張地圖




至於酒店其他部份係點呢,之後再作詳述喔 而家先出去餐肚先,日落西山喇!!!!!

出到Station 2已經開始日落了,今日趕唔切睇漸變藍色海了








今朝飛機餐後都未有時間食野,好肚餓呀!!! 見到串燒,忍唔住喇~~~






雞腸 + 紅腸! 串雞腸真係無得頂! 正呀!!!!!{:2_86:} 仲只係 php10






食完轉個身,已日落西山,可惜今日多雲見唔到咸蛋黃,睇下黎緊幾日睇唔睇倒啦






只係兩串串燒,我地兩隻肥綿跟本好似無野到肚咁,當然要再食啦! 






食埋粟米好少少,但都只係好少少,要再食再食再食~~~~~

呢間燒賣,雖然賣相麻麻,但食過之後,我今年去食左3次,呵呵呵呵呵

記住要試Japanese Style有紫菜果隻喔









呢間就係長灘島好出名既tour agent Allan B喇!




然後我地就順路行去Tourist Centre喇,因為想係第一日寄postcard番香港,咁番去就好快收到喇{:2_115:}






我同大綿一人寫一張,唔可以睇大家寫咩,然後再寄比對方,哈哈哈,好期待收到張postcard睇下大綿寫咩呢






剛剛淨係食左野,係咪差d咩咁呢? 咪係未飲野囉,呵呵呵呵呵

如果有睇過我地第一次既長灘島遊記,會發現我地日日飲Fruitas,今次當然唔例外啦,嘻嘻嘻

Long Time No See,估唔到Fruitas既職員小姐會記得我 我同大綿一踏入門口,佢定一定望望我地兩個,然後忽然尖叫!!! 我問佢記得我嗎? 佢話我上年黎日日飲Green Mango Shake果個嘛,哈哈哈哈哈,佢果然記得我,因為我真係日日飲Green Mango Shake,淨Mango Shake都唔制架!!! 好開心佢記得我,係我臨走最後一日,佢仲比左個驚喜我,我當時真係感動到眼濕濕{:2_108:},想知係咩,要繼續留意喔{:2_115:} 








雖然我同大綿出到White Beach好似未停過口,但我地既大肚dum仍然未填滿,晚餐繼續


第一次去既時候因為冇位食唔到Cyma,今次決定要試試!










先試招牌菜青口天使麵,賣相同味道都唔錯,但下一道菜實在太太太美味喇,所以佢只係好味,未算驚喜





呢碟蟹,我同大綿都覺得好好好好好味{:2_86:},d蒜超可口,冇香港既咁乾,用橄欖油炒,味道也很好,實肉得來又有好多羔,我同大綿一敢喜歡到不得了,食到竟然兩個都唔講野掛住食,哈哈哈





第一餐長灘島晚餐已經好滿足喔!!!{:2_137:}






食完好滿足既晚餐,去Budget Mart買左d啤酒氣水零食就番酒店了,因為第一日早起,已經好攰,所以養足精神,明天努力玩喔!!!!!!!!{:2_54:}