Related Posts with Thumbnails
您好喔! 歡迎來到 Gie Travelism *\(^o^)/*

星期四, 9月 6

初見長灘島(五).那是藍天與白雲...yeah yeah yeah.Discovery Shores Hotel



由於見大綿寫得咁開心,我又手癢癢想寫埋一份,所以呢篇就由我操刀啦 ! 

不過係開始第五節之前,我想補充番少少資料先,講下點解會揀Nami 同 Discovery Shore丫

其實係搜集資料初期,知道

Station 1 係整個長灘島最靚既部份,一直都諗住住係 Station 1 ,但 Station 1 酒店價格偏高,而我地又去7日,所以就計劃分開住兩間酒店,一來可以平d,二來又可以睇下唔同環境。



Nami 似乎係我去既時候(因當時Shangrila
未開)唯一一間可以居高臨下,有無敵海境的酒店,而佢每間房都有一個管家負責,唔好以為管家冇咩特別同普通酒店職員一樣喔,佢真係會為你每日的行程打點一
切,由早餐,出海,準備車出外,至到你夜晚係外面玩完準備車接你番黎,再用電筒幫你照埋路,我同大綿都覺得真係好有”賓至如歸”既感覺架!
當然唔可以講漏既係 Nami 既無敵大海境 Bubble Bath 啦! 不過大綿冇張d相post出黎,佢話唔想比人睇佢d出浴照喎….




至於 Discovery Shore,就如一開始講,我一直想住係 Station
1,加上今次係大綿一年一度生日之旅,我想大綿生日果日住間靚d既酒店,另外我當然仲有其他安排啦,嘻嘻,你地睇落去就知架喇,如果各位有意去長灘島慶祝
生日,不妨考慮下 Discovery Shore,我同大綿都比 Good Good Good架!!!!! 至於 Discovry Shore
又同 Nami 有咩唔同,佢又有幾 Good 呢? 而家就開始第四日,由 Nami 轉去 Discovery Shore 開始講啦~







一早起身,丫唔係,其實係長灘島我地差唔多日日都十點先起身,好彩 Nami 可以選擇係房或餐廳食早餐,所以你地都見我地連續兩日都係房既大露台食早餐,而第一日點解冇早餐相呢? 好明顯….起唔切身….嘻嘻



雖然係房食早餐,但一樣有個 Menu 比你揀,我冇記錯的話都有六七種 Breakfast Set,野飲就 Coffee or Tea, 鮮奶同果汁,全部都無限量供應! 不過我就覺得份 Breakfast Set 好夠大,一人一份已經足夠有餘架喇!



好可愛既藍天白雲,好多謝你日日都陪住我地,同你一齊食早餐真係特別開心喔!




精美既早餐由我地既管家Erwin送到,並給我們在露台張羅好! 你睇大綿已經好為食咁唔等我就偷食喇!!! Oopssss….點解d泳衣入晒鏡架!!!!! 大綿你淨係掛住食又唔放好d野先!!!!!






Wow~~~~ 好吸引喔!!!






大綿非常喜歡呢個西班牙 Omelette,Omelette裡面有洋蔥蕃茄….我唔記得左,大綿食左第一啖之後,就即刻話:「超級超級超級超級好味呀 !!!」跟住就係咁同我爭食! (我仲記得架!!!)




另外的美式早餐都唔錯架




仲有新鮮生果,呢份早餐比左我同大綿一個滿足的早上






咁靚既景色,咁可愛既早餐,咁先係渡假架嘛,嘻嘻嘻






嘆都佢個樣丫~~~~






好喇,食完早餐執埋行李,我地就搭最後一次籠LIFT 同 Nami 講 Bye Bye 喇






呢個就係我地既管家 Erwin 喇,到走左之後我地先醒起冇同佢合照過



我地個紅色喼有29寸,仲塞得滿滿的,但ERWIN竟然單手就抬得起仲要行得快過我地,大綿簡直要多多學習!!!!! 亦都辛苦晒ERWIN了






Bye Bye Nami,呢一個景我同大綿都係最鍾意架




臨別影番張日頭既 Nami 外貌先!

DISCOVERY SHORES架車等緊我地,所以我地要走啦!! 後會有期啦~






Nami 位置於既 Diniwid Beach 其實就係 Station 1 隔離,只係隔左個山丘仔,所以我地坐 Discovery Shore 既車沿馬路去都只係大約5分鐘車程。



入住 Discovery Shore 既住客都會包接送,就算我地之前幾日住 Nami
,佢都一樣係我地第一日到達既時侯,提供私家船同車接載我地由機場去 Nami,而今日我地正式入住,Discovery Shores亦會提供由
Nami 到 Discovery Shores 的接載服務。



話咁快就到左 DISCOVERY SHORES 喇! 由於我地係經馬路入口入,呢個時候我同大綿仲未睇到 Station 1 既景色
(有冇留意,我地一直都未有長灘島沙灘日頭既相呢,因為我地前幾日都係夜晚先由 Nami 出去 Station
2,一直未有日頭踏足過,所以此時此刻,我同大綿都好心急同興奮架!) 行行下,突然有位酒店職員送上一杯冰凍WELCOME DRINK
比我地飲,我地兩個不停話好好飲, 雖然我地第一次踏入DISCOVERY SHORES,但係我地已經係第二次飲佢地既WELCOME DRINK啦!
第一次飲就係到達長灘島果陣DISCOVERY SHORES送我地去NAMI之前請我地飲既,但到而家都唔知係咩黎。。


Discovery Shores Hotel agoda 資料:
http://www.agoda.com.hk/asia/philippines/boracay_island/discovery_shores_hotel











我地到達既時間係中午12點半左右,本來都諗住佢冇咁快俾我地上房。 點知佢地即刻帶左我地去我地Book果間房,仲唔需要係Reception度做登記手續,佢話怕我地熱,所以預先係間房度開定冷氣等我地舒服D,真係好體貼喔



呢間就係接住落黎我地會住3晚既Junior Suite喇



見唔見到正面既牆上要貼左張紙呢!? 估唔估到係咩樹呢? (我地當時未睇清楚都好奇怪點解有張白紙貼係度!!!???)




由另一個角度睇下間房丫










好喇,開估喇!!! 登登登….係一張寫左「Happy Birthday Mr XXXXXXXXXXXX」既 Banner 呀!!!!!
當時我同大綿都好Surprise!!! 因為我淨係同酒店講左大綿邊日生日(因為我有特別安排),冇諗過酒店會有此貼心驚喜!!! 我同大綿都好開心喔~~~




另酒店每天都會送一支紅酒,真係一日一支架! 不過我地兩個只係飲到一支咋~



茶几上既全部都係Welcome Snacks 黎架,不得不提既係果3個玻璃瓶裡面既乾果、果仁同曲奇餅,真係好好好味!!! 尤其係曲奇餅! 我同大綿即日游完水番黎食晒!






另外亦都已經準備好一Jar 唔記得係咩野既冰凍香草飲品,好清甜,不消一會我同大綿亦將之消滅!






另外女孩子們要留意喇,所有住客都會獲得以下 Welcome Gift 一份架,男既有一頂草帽,女既就有一個籐袋,另外仲附上輕便裝防曬Lotion、幫助曬黑既Tan Lotion、同噴面既保濕水一支!



我真係好鍾意個籐袋,之後既3日我都日日揹住佢,嘻嘻~






但係頂帽好似唔係咁岩阿大綿個頭……






等我示範一下個籐袋先,呵呵呵,實在太鍾意喇~~~






這個時候,門鐘突然響起,是酒店送來的 Welcom Foot Massage !!!!



這是 Discovery Shores 提供的特別迎賓服務,按摩師會先替你用暖水加上鮮花香草洗腳,然後再慢慢按摩,最後抺乾再塗上Lotion。



由於大綿隻腳之前擦損左,所以只有我享受了這項 Welcome Foot Massage。







突然醒起未出露台睇過,同大綿一齊出去呼口新鮮空氣先!!!!



我地住二樓,剛剛被擋住了望海的視線,如果你地去住 Discovery Shores,記住 Request 3樓喔~



仲未睇到 Station 1 既沙灘,究竟 Station 1 有幾靚呢?????







向後望上去







嘩! 咁好既天氣,我地要出去同陽光玩遊戲喇! Go Go Go !!!





一落到去留下,不得了,波波泳池! 影個相先,等我出去同大海玩完,就再番黎同你玩!




登登登登登!!!!! 我同大綿期待已久既 Station 1 就在不遠既眼前喇….






不過係衝出去之前,先揀張太陽椅放好d野先






我同大綿一坐低,酒店職員便立即為我們鋪好毛巾,仲好親切同我地閒聊,然後立即送上兩杯冰水!






出面陽光咁猛,記緊要係搽好太陽油,好緊要架!!!



但大綿點解搽太陽油搽得咁開心呢???






除左冰水,沙灘同泳池邊都有小食同果汁冰供應,全部都係免費提供比住客架! 求先咪提過房裡面d曲奇餅好好味既,係沙灘旁都放左一大個玻璃瓶既曲奇餅係度,我每次經過都忍唔住攞黎食架,嘻嘻嘻…..






好喇! Go Go Go!!!! 要去睇下長灘島既 Station 1 有幾靚喇!!!!!!



嘩!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!






嘩!!!!!!!!!!!!!!!!! 嘩!!!!!!!!!!!!!!!!!









我同大綿當時真係淨係識得”嘩! 嘩! 嘩!” 同係咁各自各影影影!!! 長灘島既 Station 1 果然名不虛傳呀~~~~



由於我地去既時候係雨季,所以酒店只擺放左少量既櫈係沙灘較出位置







咁靚既景我地梗係唔放過係咁幫對方影影影啦!






酒店職員見我地影得咁開心,好熱情咁走埋黎話幫我地影張 “Jump” 既相,咁我地就發左癲係咁 Jump Jump Jump, Yeah~~~~






不過係跳跳下,突然「 砰! 」一聲,大家呆左一下之際,我聽到大綿嗌:「 我爆左軑呀~~~~」,然後我望向大綿,佢當時當然係向下望啦,而幾個酒店職員亦意會發生咩事,大家一齊哈哈大笑! 好彩大綿裡面有著泳褲,所以都不緊要,哈哈哈~



所以跟住都係斯文d影喇,呵呵呵~






酒店放左好多沙灘玩具係度比住客玩,我地見有個網係度,就攞左個排球去玩左陣





然後就行過 Friday 同佢個地標影相喇







呢個時候我地兩個已經晒到變左兩隻熱辣辣既燒豬,一! 二! 三! ,要跳落水喇!!!!







望番過去 Discovery Shores




看我的表演! 呵呵呵~~~~









D海水真係好清呀~~~~~







但係點解可以清到冇石、冇魚、冇貝殼既呢??? 好似泳池一樣……








大家溫習一下咩叫做折射! 嘻嘻嘻….




傻佬……..








話完佢傻佬,佢就走左去……「喂~~~~~大綿,果度冥想好d咩~~~~~???」






玩左一輪,係時候上岸喇,唔係就會晒到變黑人加甩皮架喇~~~



我搭大綿 Taxi 番上岸喇,呵呵呵~




番到去沙灘椅,見到我地除低既衫褲都比酒店職員摺得整整齊齊,而剛巧呢位職員行過,仲好親切問我地玩得開心嗎?
我地初初都以為佢純粹禮貌寒暄幾句,點知佢真係慢慢同我地傾,了解我地黎長灘島既目的,想食d咩玩d咩,然後再介紹我地,但佢並不是介紹我地去一d佢有
commission
既地方,相反佢介紹我地去d平民d既地方食野,整個傾談過程沒有任何叫我幫親佢或跟佢去,只是純粹他的個人介紹,我同大綿都很喜歡同呢位職員傾談,往後幾
日我地每次見親佢都會同佢傾幾句架~




見到 Discovery Shores 招牌,當然要拍照留念喔






還記得剛剛出來時見到的波波泳池嗎? 我地見時間尚早,就決定玩多陣先上房沖涼換衫出去食飯~



落水前我地都好有公德心沖左身先架!






泳池邊亦有毛巾提供的






見到大綿咁既樣係咪以為d水好凍呢? 呵呵呵,岩岩相反,d水比太陽晒左成日,大綿係比d水辣到飛起呀! 呵呵呵~~~






大綿簡直覺得自己浸緊溫泉…….






見到咁既情況,我當然好醒咁唔落水啦,呵呵呵~~~






點都唔落水架喇!!!!






D水咁熱,我本來都諗住走架喇,點知比我見到咁岩呢個時候有 “ Post Card Making Lesson “,我即時諗起大綿第二日生日,不如去畫張咭比佢丫~






可能因為唔係暑假,冇咩小朋友,所以得我一個參加者! 負責既職員比左畫筆畫紙我,跟住就一路同我傾偈一路同我一齊畫喇!



當佢知我畫緊張生日咭比大綿,佢仲話酒店一定會比個 Surprise 你架!



真既!? 唔知係咩呢?????






大功告成!!!! 靚唔靚呢!?



但…..大綿呢? 仲未浸完溫泉泳池??????






噢! 原來大綿去左攞果汁冰比我! 嘻嘻….Thank you 大綿!






好喇,呢個時候要番上房沖涼換衫,準備出去食飯喇!