Related Posts with Thumbnails
您好喔! 歡迎來到 Gie Travelism *\(^o^)/*

星期三, 11月 14

愛上長灘島 ( 十 ).Air Force City 世界大戰戰機



黎到成個旅程最後一日了,真係好唔捨得走,仲要一落到街見到天色咁靚,如果可以留多幾日就好喇!

今日夜晚七點幾機,仲有半日可以hea下,所以同大綿
訓到中午先起身出去了~

由於轉左去Savannah Hotel,去SM Mall就要搭一陣tuk tuk了,睇下個天幾靚,咁耀眼既陽光底下,梗係企係酒店等大綿截車啦,嘻嘻嘻..


當然除左公共tuk tuk之外,亦可乘搭tricycle啦,不過搭tuk tuk只需 php8 一位,只係搭一陣,就揀平d了
















同樣地都係 Jeepney Terminal 落車行過對面就係 SM Mall 喇











突然比我見到炸香蕉!!! 其實之前好多本地人介紹過我同大綿一定要食,但係長灘島總是見唔到,終於比我係旅程最後一日見到佢了!!!



不用考慮,同檔主講要一支!











係我買緊既時候都有好多本地人買,似乎炸香蕉係好受歡迎食品喔











唔客氣喇,大啖一咬.............真係好好味呀!!!!!!!!!!!!! 果然真係一定要試,大家都唔好錯過喔!











邊食邊行過馬路過對面SM Mall,呢幾日係克拉克來回行過咁多次條馬路,又影低佢做個紀錄先











呢條橋可直通SM Mall,但我同大綿通常行橋下底過去,因為橋下有賣小食既攤檔







由於今次住既酒店都算方便,所以沒有搭過tricycle,在Angeles City內約 php100起一程













今日打算食完lunch去SM Mall入面一間按摩店做 massage,所以近近地揀左係 supermarket 內既 food court 食午餐了











原來果邊都鍾意食 Hong Kong Noodle 喔







我同大綿叫左兩個鐵板飯同一個炸雲吞同一個炸魚翅餃,食左幾十蚊港紙咋



























食完lunch就行去SM Mall入面既 Spa Signature 做按摩,因為佢地有個 10am- 3pm 既優惠,所有 massage 都係 php399 一個鐘!







職員介紹我地有 Swedish Massage, Thai Massage, Oil Massage等等,更特別推介 Signature Massage,我同大綿就決定試証試啦







店舖內乾淨企理,我同大綿在二人房內換衫按摩,大綿覺得好舒服,我就覺得比較大力,多次請職員可以細力點,我諗喜歡夠力的人會很喜歡

按完後我同大綿都覺得 php399 有這樣環境服務很不錯喔!







今日除左按摩,另一節見就是去 Air Force City 睇世界大戰遺留下既戰機,因為 Air Force City 很近機場,所以我同大綿打算提早去機場,順便係 Air Force City 停一停車入去睇下喇





離開SM Mall前要飲多杯 Green Mango Shake先











經過橋底,又遇上辣燒賣,臨走前點都要食多之











見到呢杯野飲好多人買,只需 php10,於是我地都試下,不過飲完都唔知是什麼喔,應該類似涼茶啦,哈哈哈

















擰轉身又見 Buko Shake,又係好難忍手唔買,番黎香港真係好難搵到咁好味又咁平既椰子沙冰,大家真係要試喔!!!



btw....你地望下職員望住大綿既眼光......











番到酒店拎埋行李,見有幾件行李加上天氣很熱,就問一下酒店車去機場順便在 Air Force City 逗留一個鐘收費多少,職員說 php350,見收費都合理便乘酒店車去了













接載我同大綿的職員很親切,當駛到 Air Force City 門口時停下說幫我們影相











當到達時又逐架飛機幫我們合照及介紹,於是我地連腳架都唔駛拎了,影完相職員就叫我地慢慢行,佢係車入面等我地,真是很好的服務喔











































































係Air Force City睇完飛機影過相,就完成了整個旅程的最後行程了,我同大綿要去機場飛番香港喇





機場Departure既大堂



















有兩間找換店

















由於買野買得太開心,仲買多左個行李喼,所以我同大綿都已經買左 40kg 行李,但以防 overload 要check-in時開喼執野,都係事先磅一磅有個準備先











點知................剛剛好 39.4kg!!!!!! 鬆一口氣











Check-in完後就去比付terminal fee,International flight php600, Domestice flight php150











入左候機室有小食飲品賣,亦有雪糕售賣pack好 hand carry上機喔,當然最受歡迎必定是菲律賓最出名的芋頭雪糕了











要回香港了











克拉克機場細,也是自己行出停機坪上機的











難得一見!!! 我竟然見到自己個行李喼被運送上機中,影低佢先,哈哈哈哈哈













我同大綿既長灘島 + 克拉克之旅又暫告一段落了,希望好快我地又可以再擁抱美麗的長灘島啦