Related Posts with Thumbnails
您好喔! 歡迎來到 Gie Travelism *\(^o^)/*

星期三, 11月 14

愛上長灘島 ( 九 ).在克拉克衝上雲霄! Savannah Hotel



今日得一個行程,於是同大綿訓到中午自然醒,再望下個天,天朗氣清實在太好了,我同大綿就可以去玩小型飛機喇~~~~~

玩小型飛機既地方叫
Angeles City Flying Club,但並不在 Angeles City 內,的士車程約 45mins,也可乘搭 Tricycle,但因為Tricycle坐位較細,加上天氣非常嚴熱,長途不太建議坐
Tricycle,不過價錢會平好多,幾百peso便可,有利有弊。我同大綿本想行出酒店搵的士講價,但一企出路口,好明顯感到太陽伯伯今日好好心情熱力
迫人,然後我地兩隻懶蟲就好似心靈相通咁,一齊話不如搵酒店車去了......


酒店送到我地去Angeles City Flying Club後如常放低電話號碼說回程可以打比佢地黎接,但去程已豪左一次,回程我地就用方法搭了免費車番去,點解免費呢,一陣話你知,嘻嘻嘻....



btw, 住Woodland酒店是有免費接送到Angeles City Flying Club喔!


除左好似我同大綿咁玩下體驗飛行,仲真係可以係呢度學揸小型飛機架,帶我飛上天既機師話四日至一星期課程就可以自己揸一架小型飛機飛架喇


我地雨季去大安旨意冇之前book定,如果想安心可以預先email或打電話去預約喔









呢度既職員同機師個個都好nice,大家都好casual叫我同大綿可以隨便參觀,初初登記好我地仲好乖咁係Office等,點知呢位機師就話帶我同大綿周圍睇,但我忘了他的名字喔



呢位機師先生好風趣,佢話呢度都有住宿出租,但有時weekend佢地會唔租出去,留番佢地成班機師同女朋友係度開 topless pool party,我問佢女人 topless 咁男人係咪 bottomless 呀,佢話話明 topless 嘛,梗係男女平等齊齊 topless 喇,激死










風趣機師係要我同大綿係佢最愛既pool影將相








然後就有職員通知我地可以準備飛行喇,好緊張喔!!!!!!



Trial Introductory Flights 我暫叫佢體驗飛行啦,是每10mins計的,你可以先選10mins,飛到上去再加,又或揀左60mins飛到上去後想減亦得。我同大綿揀左每人30mins,收費是 php3,700



點知原來飛之前仲可以揀唔同既飛機架,當我行緊去揀飛機時就見到有人剛剛玩完降落喇








呢架太恐怖喇,無遮無掩冇野圍住成個人暴露在外,好驚咁,我唔揀呢架喔








嗯....呢架幾好,起碼係坐係入面,冇咁驚,就呢架啦! 我係咪好冇膽呢,Heehee








點知大綿同我一樣,都係覺得呢款感覺良好d,wakakakakaka於是佢揀左呢架








由於出發前問朋友借了 GoPro 相機拍 Video,所以起飛前就同機師一齊試下位同安裝好部機先喇,機師們都好nice好有耐性幫我地安裝,仲不厭其煩叫我坐落去試位,我同大綿都覺得好開心喔











呢三位傻佬裝機時冇留意部機已經著左,竟然幫我地四個人影左張唯一既合照,見唔見到我呢,哈哈哈,後面呢,哈哈哈哈哈



OH! 等我介紹一下,中間果位係 Advanced Flight Instructor 叫 Max,右邊果位係今次帶我飛上天既
Terry,佢係咩 position!? 嘻嘻嘻,我當時都唔知架,以為係普通 Instructor,後來先知我好好彩執到寶,點解呢?
我又一陣話你知,嘻嘻嘻








準備好就上機喇,心情愈黎愈緊張喇!!!!!! 會唔會好驚既呢



提提有興趣的營友,如果兩個人又或同埋朋友一齊玩,可以選擇同時一齊飛,又或逐個逐個飛,各有好處,因為一齊飛的話就可以係上空互相幫對方影相,而逐個飛的話就可以幫對方影起飛同降落既情景喇我同大綿商量了一下,決定一齊飛開心d












On your mark, get set!










飛上天喇!!!!!!!!!!!!! I believe I can fly~~~~~ I believe I can touch the sky~~~~~








我還未適應,Terry 便說不用怕很好玩的,跟住.............便側飛成架機打斜,我當堂Vee Wa鬼叫!!!!!!



Hahahahaha,你睇下呢張相係未叫時影的,已經好斜跟住要扶實冇影了









再飛左一陣,Terry話論到我控制喇,就教我點樣向前向上向下一些簡單操控,當然佢係另一邊就好似學車師傅咁,可以有需要時緊急操作喇。唔知你係張相感
唔感受到我既緊張呢{:2_41:}我機乎係冇郁過支控制干,於是Terry唔抵得我太細謄,大力推我隻手向下飛,於是我又失禮地發癲尖叫了Wakakakakaka








叫做駕駛左一陣,我對自己都係冇咩信心,於是比番Terry繼續駕駛,點知佢又突然叫我扶實,扶實d,再問我ready未,究竟咩事呢不過我梗係扶到實一實啦



點知...........佢突然停左所有引擎成部機直落向下跌!!!!!!!!!!!!我真係嚇到,嘩)))))))))))))))))))))))))))))))))



然後當然係急停繼續飛啦雖然真係嚇左一大跳,但真係好刺激好好玩呀!!!!!!!!!!!!!!{:2_115:}





D太驚慌大發癲既相都係唔好post出黎喇,睇番嚇完之後成個人梗晒既相啦,哈哈哈哈哈{:2_41:}












同大綿一齊飛既好處就係可以係空中幫對方影相,仲可以大嗌對方tim,Hahahahaha{:2_41:}





Terry為左比我地影相,用對講機同大綿既機師講大家點飛,仲玩兩隻機交叉飛





對面就係大綿喇先係我既右邊飛過~~~~~












跟住就交叉飛交換位置,到我係大綿右邊喇,大綿你見唔見到我呀,我有同你揮手架{:2_115:}








然後又交換了位置,今次見到我未呀








跟住唔見左大綿既,原來佢飛左去我上面








呵呵,我要高過你,飛高d....飛高d......{:2_62:}








大綿你地飛咁快去邊呀~~~~~~~~








唔知大綿飛左去邊度玩,咁我又睇下風景啦








農田上的農民好熱烈同我地揮手,如果你地飛既時候見到佢地,不妨揮手say個hi丫








咦~ 望望下見到有兩個影既,大綿飛番返黎喇{:2_115:} 我地一齊飛多一陣就要降落了,時間真快喔










因為是我架機起飛先,所以亦都由我降落先,Terry好細心即刻用對講機同職員講我地landing,叫佢準備過來幫我影相,我都好顎然喔,很謝謝 Terry 的貼心






而我降落後亦可幫大綿影相喇








當我同大綿好興奮咁分享飛左上去既經歷時,有職員拎左兩張Cert過黎比 Max 同 Terry 簽,原來體驗飛行都有張證明比番我地架,哈哈哈哈哈,真開心喔{:2_137:}



我同大綿完成了我們的第一次體驗飛行,心情好興奮,大綿仲心思思想飛多次唔同既飛機tim 於是我地就去參觀下 Angeles City Flying Club 既飛機喇

呢度既職員同機司好nice好casual,對我地說可以隨便行去參觀停泊係度既小型飛機













呢架好型仔喔











嘩,呢好似懷舊外國黑白片d飛機











原來小型飛機都有衫著架







大綿仲考慮緊玩唔玩多次,於是我地決定上去餐廳食個lunch先喇





餐廳在office樓上,可以望住整個小型飛機場草地,一路食野一路睇其他人升降,先到counter order食品付款,食物即叫即整,職員會把食物送過來











出發前睇過黎過呢度既遊客都話d野食好味,而且價錢經濟,果然所言非虛喔



大綿叫左漢堡包,牛肉juicy熱辣辣好正喔















由於我好肚餓,叫左炸雞脾飯,隻雞脾即炸香噴噴,大綿差d想叫多碟tim喔,哈哈哈









好喇,點解之前話遇上Terry機師是執到寶呢,而家開始講下喇



係我同大綿邊食邊分享番剛才既飛行體驗時,先發現我同大綿有很大分別喔! 仲記得我前文講過Terry又打斜飛,又突然急降再升起,後來臨降落時,仲試過向住地面好快直衝,臨到好近地面時先升番起等等等,刺激非常,但問番大綿,佢完全沒有這樣經歷,帶他升空的機司只慢慢向上升慢慢向下降,全程也很平穩,所以大綿好羨慕我有這樣難忘的體驗喔! 就在我地傾下食下既時候,突然見Terry也上來食午餐,他問可否加入我們,我地當然非常歡迎啦 係呢度不得不同大家講,佢個意粉好靚喔,Terry話好好味佢好鍾意食,而我又唔好意思去走去影人地碟意粉,如果有營友去開,不妨試下喔同Terry傾談中,原來佢來自英國,仲係香港既元朗住過好幾年,因為好鍾意玩小型飛機所以黎左克拉克呢度搞Angeles City Flying Club,而多數學生竟然係正規民航飛機師!!! 我問Terry點解民航飛機師放工仲揸飛機? Terry話民航飛機師說佢地係民航機上跟本唔駛自己揸,大部份時間都係按下制自動導航,加上載住乘客唔可以玩花式,所以佢地都好鍾意揸小型飛機果種自由自在刺激感 傾談中我話剛才同Terry一齊飛既感覺好正,好刺激好好玩,大綿都說好想與Terry一起飛,點知 Terry 同大綿講 "好丫! 免費載你玩多次!" WOW!!!!!! 我同大綿真係好顎然,剛剛玩30mins要 php3700,Terry竟然免費同大綿飛多次!!!!!!!!!!!!!!!!!{:2_115:}{:2_115:} 實在太幸運了



食完野Terry說佢去準備下先,我同大綿就再行下睇,突然見到呢個牌........



原來 Terry 是 Angeles City Flying Club 最高級的 Chief Pilot Instructor!!! 唔怪得佢既技術咁好喔!!!!



這就是我所說遇上 Terry 是執到寶喔,有Chief Pilot Instructor帶我玩非常好玩刺激的飛行體驗,仲免費帶大綿玩多次呢如果你地都想遇上 Terry,留意佢淨係每星期五六會係度喔









我同大綿行去停機坪準備大綿第二次飛行了













今次我可以幫大綿影相喇{:2_115:}



Enjoy呀,大綿~~~~~~~~











嗯.......目送大綿同Terry升空後,我係呢30mins做咩好呢











大綿也嘗試影側飛情境

















大綿好開心玩完之後,我地看看時間約下午四點半,付了體驗飛行既費用之後就上去餐廳飲杯野,還記得我之前說回程想辦法不用錢嗎,嘻嘻嘻,所以我地要等多半個鐘了















用咩方法不用錢呢,就係搭順風車喇,嘻嘻嘻,每日下午五點Angeles City Flying
Club都有公司專車送職員離開的,終點站是Angeles City既Jeepney Terminal,我同大綿要番Angeles Beach
Club Hotel,正正係Jeepney
Termainl果度,於是就坐順風車番去喇,慳番好多喔,嘻嘻嘻,這就是出發前做好功課的好處呢{:2_115:}



職員車是Jeepney,職員們還很親切的讓我同大綿坐前面說會舒服點,我上車不久便睡著了,點知司機很好人的把車駛到酒店門口讓我們下車,真的很好人喔









因為我地臨時extend多一晚,Angeles Beach Club Hotel已full,所以我地番到酒店就搬去遠少少的 Savannah
Hotel了,Angeles Beach Club hotel
有免費接送我同大綿過去,呢間酒店位置方便,又有免費車接送於Airport及Angeles City的任何地方,我同大綿都好唔捨得搬酒店喔


Savannah Hotel agoda 資料:
http://www.agoda.com.hk/asia/philippines/angeles_clark/savannah_resort





5分鐘車程就去到同一條街既Savannah Hotel了















放低行李就出去SM Mall食晚飯了

搬左去Savannah Hotel,出SM Mall就要搭Jeepney了,一人php8,上車把錢傳出去,到Jeepney Terminal落車行過對面便可

















同大綿又逛左Supermarket買左d零食野飲,跟住就去試連鎖店超群餐廳



成個星期有多冇食過湯麵,一見就好想食,於是叫左個菲式雲吞麵試下先











大綿的併盤











呢個炸豆腐唔錯,我同大綿好快食晒











旅程少食菜,一定要叫番碟













再買支 Buko Shake 就去 Walking Street 睇下啦











我同大綿慢慢由SM Mall行去Walking Street,



其實我覺得呢度既 Walking Street 同芭提雅既 Walking Street 相類似,也是夜店酒吧臨立,找生意的女士滿滿在街上





























美人多數保有? 這句是什麼意思呢











行完成條街後發現了一個奇怪現象,就是我竟然是成條街唯一一個外國女人,我問大綿覺唔覺,我地再留意左一連,果然成條街只有好多好多西方男人、韓國男人同非常之多既本地女人,但就一個西方或其他亞洲女人都沒有 我真係好特別喔





臨臨種種的夜店適合我同大綿,見識過後便坐 php8 Jeepney回酒店了