Related Posts with Thumbnails
您好喔! 歡迎來到 Gie Travelism *\(^o^)/*

星期三, 11月 14

愛上長灘島 ( 五 ).出島去,冇污染純美小島



經過左兩日唔好天氣,今天终於雨過天晴,我同大綿可以出島了!!!!!

一般遊客去長灘島Island Hopping都是到Crystal Cove,當然我同大綿第一次來長灘時也不例外喔,但今日去既島係之前係網上無意中認識
,想再search多些有關資料,發現去過的人不多,及後在Vesta的書內亦見有介紹,我同大綿決定去見識見識一下這個仍未被遊客充斥,比長灘更pure的小島!

今日仍然係趕到剛剛10點前落到去食早餐,呵呵,大綿件背心就係係第五日買既 php90,而條褲就係 php150,我覺得好正好colourful,襯晒陽光海灘,hohohohoho






天氣雖然好轉了,但今天沒有藍天,不知道明天如果呢? 明天一定有藍天白雲既!











在Station 2找了一位感覺老實的船家問價,因為今日既目的地船程需30mins,船費會高一點,所以講價後大家以 php1800 成交,不包浮潛mask,因我們自備了。





先要坐Tricycle去Bulabog Beach上船,呢位船家真是老實沒錯,因為之前來長灘時同船家搭車,佢地會叫我地比埋佢車費,但呢位船家一落車竟然就自己比錢!






 這位就是今日同我地出海既船家 Dhell 喇,完成今日既 Island Hopping 後更覺佢同佢兩位船員係老實細心的,也是我同大綿黎長灘島三次裡面覺得最好最喜歡的船家 這位船家初時有點怕醜不多說話,但傾下傾下便大家熱鬧起來,怎樣細心,容後再說







今日究竟去邊呢 今日去既島就係 Carabao Island 喇!!!!!



Carabao Island 就係長灘島與 Caticlan 之間,係 Bulabog Beach
可以遠望倒呢個島,乘船去30mins,由Puka Beach乘船去15mins,雖然我叫佢做零污染小島,但佢其實有長灘島四倍咁大架!
因為未被開發為旅遊區,所以冇酒店商舖,只有一兩間民宿同小店,以及島上居民的住所,今次帶我同大綿出島的船家
Dhell,原來係住係呢個島架,所以對島上都很熟識,我問佢可否帶我到最美麗的海灘喔,Dhell 說東面的海灘最美,於是我地就朝 Carabao
Island 既東面出發喇





愈近島上,海水愈見透明,我同大綿都好興奮呀!!!!!












到達喇!!!!!!!!!!!!!! 好天氣加上風平浪靜,如此美景,我忍唔住狂尖叫 " 好靚呀!!! 好靚呀!!!! "



長灘島已經美,冇諗過鄰近有個更美更pure既島喔!!!!!!














太美太美既海灘,太美太美既海水,實在忍唔住要發狂般影相呀~~~~~~~



Dhell 同其他船員都好親切,落船上船都扶到我實,仲不停幫我地影相,影得都唔錯喔,哈哈












d水有幾清? 睇下大綿呢張誘人post既相就知喔,係咪透明呢!!!












竟然比大綿發現左一隻好奇怪既蟹,但更奇怪既係大綿竟然走去捉佢上黎,呢隻係蟹黎架! 有鉗架! 都唔知話你係蠢綿定勇敢綿!!!???










咁靚既海水真係好開心喔! 仲要成個灘淨係得我地兩個,好似私人沙灘咁
















Carabao Island 既無污染沙灘真的很清澈很美,但魚卻不多,只有一些細條的魚仔,而當你踏過長灘Station 1的麵粉沙灘,可能會覺得此沙灘的沙不夠幼,先提一下大家喔





離開 Carabao Island 後,我地就上船去釣魚喇~



睇下我幾認真,wakakakakaka












認真的人有收穫! 呵呵呵! 大家睇下,石班呀!!!!!!!!!!!!!!!












然後另一船員亦釣到另一種魚兒,佢個咀........好特別












大綿都有收穫了!!!












之後......就再冇漁獲了  因為太陽開始收,我同大綿都覺得d海水好凍,於是放棄左冇落水浮潛,嘻嘻



回程了~~~












仲記得我話船家 Dhell 好細心嗎? 點解呢,就係回程呢度講下喇



回程番到 Bulabog
Beach,因為潮退,船隻泊唔到岸,要離岸好遠好遠落船澗水番去,本來沒問題的,但原來整個灘也佈滿海草,而海草中間藏著許多海膽,在水面很難看到,令
徒步變得危險。在船到達Bulabog Beach時,我們已付了船費,加上在開始時說過,Dhell 本身住 Carabao
Island,所以佢同船員會原船番去,實沒有必要下船,但 Dhell 說怕好多膽我地睇唔到容易刺到腳,說要開路陪我地行回岸,實在很細心!
真的幸運地有 Dhell
在前面邊行邊檢視海膽,時而叫我地停步,時而叫我地行左邊右邊,叫我地行佢行過既路,我地才順順利利慢慢行回岸,但真的行得很慢行左好耐,因為要好小心免
踩到海膽。前日有位營友回來,就send了個msg給我,說在行回岸的時候踏到了海膽很痛,要由朋友揹回岸邊,那時候我真的很感激
Dhell,因為他送到我地上岸後,自己又一個獨自小心避海膽慢行回船上回家,是真的有心幫助我同綿行回岸的。



從這張相可以看到海草很長,很難看到海膽,而你看到遠方的船就是下船處,這裡只是一半路程,而我地唔係搵海膽,究竟搵緊咩呢?








搵緊咩呢???










就係搵緊呢d螺喇!!! 船家話佢屋企d小朋友好鍾意食,順便執d番去,於是我又幫手搵,yeah!{:2_115:}



見唔見佢手掌上有d數字,原來佢mark左我地既船費係手度喔,唔知係咪寫低點同船員分呢? 哈哈




去完Carabao Island上岸後,Dhell教我地可以乘Tricycle番出Dmall,又或可以慢慢行出去,我同大綿想周圍看看所以選擇行出去了



由於食過早餐後都沒有食過野了,此時好肚餓想搵d野食下,見到有間士多即刻走過去



呢包蝦餅唔錯架,又脆又濃蝦味,只係php7,後來再想買都搵唔到了










跟住見到有軟雪糕,好開心呀












然後要去做樣好重要既野,因為明天下午要飛去克拉克了,先前約好了酒店接送,為方便有任何事情需電話聯絡,我同大綿決定去買張電話咭先,順便去到克拉克方便上網





大綿成日唔著衫周街走










好似泰國咁,幾十蚊港紙任上網,十分抵用喔







今日晏左睇唔到日落了,唯有番酒店梳洗去食飯








今晚食咩好呢 我同大綿行左好多間餐廳,大家都冇合心水的,傾下傾下,發覺大家原來心繫海鮮!!!!!



純粹我同大綿的感想,覺得意粉pizza漢堡飽等等都是一般在香港會常吃的食品,縱然海鮮在香港亦為普通,但並不便宜,亦不會經常吃,於是我倆又意向一致去了D'Talipapa喔,wakakakakaka其實同大綿在第一二次到長灘島時亦有試過不同餐廳,有興趣的可以看看之前的遊記喔,比我地悶親唔好意思,嘻嘻



之前冇影到個價錢牌,影番比大家參考下丫,記住呢個只係標價,大家要努力講價喔










又係大綿出馬喇












今晚當然又唔少得大綿最愛既大蝦










仲有清蒸大蟹










同埋我倆都非常喜歡的煎魚










清蒸蟹好鮮味,我喜歡!










由於我太飽食唔落了,大綿一聽見即刻用手就拎起條魚咬







食完飯飽飽有咩好做呢? 先慢慢行下散下步先











見到d手繪鎖匙扣好靚喔,php100有3個,可以選擇喜愛既圖案同寫上喜歡既字句,提提有興趣既營友,每個攤檔既圖案都有不同,不妨慢慢睇下揀間岩心水既先整喔










我同大綿揀左寫自己個名同We love boracay!










行行下先呢間沙灘旁既Massage有promo,php299/1 hr,咁抵又試下先!!!










係按摩前會先鋪一塊新床單,好乾淨,我仲聞倒洗衣粉香味,哈哈








大綿買左張電話咭後,連按摩也機不離手







幫我按摩的是中間著白色衫的Lily,佢好夠力又按得好指細,連我既手指腳指都按到啪啪聲,按完好舒服,之後去到克拉克再分別按左兩次,價錢冇咁平又按得
冇Lily咁好了。幫大綿按的是前面位黑色衫小姐,大綿話可能佢工作了一整天已經好累,見佢不停打呵欠,所以感覺力度不夠,但我就話係大綿肉厚,嘻嘻嘻






雖然已經晚上十二點了,但充滿音樂與遊客的酒吧仍然燈火通明










我同大綿都未有睡意,不如就去試下長灘出名的 Still Standing After 15 啦!!!



Still Standing After 15 係咩黎呢? 其實係 Cocomangas 酒吧一款出名既 15
杯不同味道既shooters酒,係以前,只要有人可以一次個飲晒15杯而可以屹立不倒,酒吧就會送上一件紀錄Tee並把其名字刻在鐵片再釘在酒吧牆上,
然後那人的國家挑戰人數便會在紀錄版加一!
後來聽說因為15杯的難度太高,很少人能獨自完成,於是酒吧便開放了可以多人一起完成15杯,同樣得到一樣既獎勵。到我今次去試15杯,發覺只需
order已有那件Still Standing After 15既Tee,亦有叫我寫下國藉及名字,但我同大綿都未能完成15杯,應該冇得留名了





我同大綿選擇了吧枱位置













就是這Menu上的15杯Shooters了,難度逐杯上升,我初初仲諗住自己點都可以飲倒頭幾杯喔,點知......第一杯 Tequila + Tabasco Sauce 就已經飲到我噴火 可能是我渣啦,你地有興趣試嗎?










1 至 15 由右至左,千祈唔好少看佢喔






大綿你未飲扮暈










隔離有位遊客亦齊齊挑戰,我地互相幫對方影相留念










大家看到嗎,香港現在排行12位呢








由於太難飲,我地慢慢飲左好耐,到凌晨兩點幾遊客開始續漸離開得番我地同幾個客人,大綿你係咪飲大左,做咩坐左去第二度呀 快d番過黎啦








見舞池終於冇人,我同大綿好free咁係度跳舞,實在高興喔,wakakakakaka{:2_129:}












不經不覺已經夜深,雖然仲好開心但人地要打徉了,我地都一路跳下跳下,一路番酒店了



入到房間,見到今晚多左隻毛巾公仔等我地,而果兩隻人仔公仔係我同大綿帶來的