Related Posts with Thumbnails
您好喔! 歡迎來到 Gie Travelism *\(^o^)/*

星期二, 11月 13

愛上長灘島 ( 二 ).遇上旅遊書作者喔!!!



由於係Boracay Gems Villas book唔到兩日同一間房,於是睇完日出訓多幾個鍾就要起身執野轉過隔離Ruby Villa了

Ruby Villa正正係Pearl Vills隔離,分別在於
Ruby Villa有兩間房,其中一間係樓上,可以住多d人

樓下其本上與Pearl Villa相同,只是多了一條樓梯上樓上,亦是所有房同廳都有一部電視同一部冷氣,如果樓下開晒兩部冷氣,是會很凍的

















因為有兩間房,所以係訓覺之前我唔比大綿掂樓上張床,佢可以係樓下間房點訓點碌都得,訓果張要乾乾淨淨喔,呵呵呵呵呵










樓上房間也有個小雪櫃












仲有個方便痾夜尿既廁所,嘻嘻嘻














轉左房就出去食野喇

今日雖然冇落雨但天色麻麻喔





Boracay Gems Villa 外貌








長灘島第一個lunch我地揀左Jonah's,因為好想快d去嘆Shake Shake Shake呀

先來一杯Pineapple Shake 同 Mango Shake仍然是咁濃咁香甜喔!!!!!!












跟住係大綿既牛扒三文治同我既雞翼










因為Jonah's係沙灘邊,所以可以一路食野一路望下海同沙灘,當我周圍望既時候,突然發現............

呢個人咁熟口面既!!! 佢好似.....佢好似.....佢好似.....

佢係我本長灘島旅遊書既台灣作者Vesta呀!!!!!!!

因為我由第一次去長灘島已經睇佢既資料,直到佢出書亦買了來參考,所以已看過她的相片不少次,我好肯定這是她喔

我從來未攞過任何人簽名,這次我竟然一認出Vesta就衝了過去,連大綿在旁邊也不知道發生什麼事,只好跟著我走了過去 可能是因為我也是最愛長灘島,很嚮往她的生活吧





Vesta很nice很爽,知道我是香港人更是驚訝我在香港買了她的書,與她影了相後,她也在我的書上簽了個大名,大家也傾談了一會,不知為何真是很高興能遇見Vesta,可能我真的很想像她那樣能日日都在長灘島喔













食飽飽就出去沙灘行下,今日天色唔太好又有點浪大,只在海邊玩玩算了,希望在明天丫嘛,明天一定會好天既!


係沙灘買左包Green Mango,又幾好食喎,貶下眼同大綿就食晒了













落水玩陣喇








玩下行下又行到去 Fridays 酒店,今日冇藍天,影相唔多靚,你估聽日有冇藍天呢 嘻嘻嘻










大綿同仙人掌先生似樣嗎?










突然見到有珍珠Mango Shake! 咁既組合梗要試下啦!









行去邊都見倒有芒果乾賣








見有人在燒豬頭切片








又遇見我好喜愛的燒賣,不得不吃 後來去到克拉克又見到,仲再食多兩次tim,呵呵呵










我同大綿決定今晚去 D' Talipapa 食海鮮,但時間尚早就周圍行下先喇

去左Station 3一個 Market 仔,主要賣沙灘褲泳衣等,貨式同 D'Mall 及 D'Talipapa內的店舖大同小異,但價錢就抵好多了








好似我拎住既呢條沙灘褲,唔係薄身料,厚厚的又有拉鍊袋,係呢個 Market 買只需 php150,後來我係 D'Talipapa 見到一樣,問左幾間都企硬 php250



於是大綿就買左兩條,後來諗番覺得應該買多幾條呢! 嘻嘻嘻!!







跟住慢慢行去 D'Talipapa 了

D'Talipapa既海鮮主要賣比遊客,而當地人就在這類攤擋買魚食,這是船家告訴我的









呢間Chooks to Go燒雞係Vesta旅遊書話全島最好味燒雞,因為要留肚去D'Talipapa食海鮮,所以試唔倒了{:2_108:}










點解又係係我食海鮮之前遇到架,唯有同你緣慳一面了










途中見有一間賣外國貨既supermarket










到左D'Talipapa喇










先去買海鮮,再拎去側邊既餐廳烹調



今晚食咩好呢?








大硯扇貝?












魚??












蝦???












大綿揀左條石班,仲捉上黎玩,條魚係咁跳下跳下,搞到側邊d人全部彈開晒怕左佢










跟住就揀左一隻大蟹,大綿話隻蟹係咁用腳撩佢,叫我試下










最後係蝦蝦蝦!








跟住就去左隔離間Plato餐廳比佢煮喇





蟹揀左用 Chilli Sauce 整










蝦就用Lemon Butter,正!!!










石班一定係清蒸喔 好味好味!!!!!!!!










梗唔少得我好喜歡的Garlic Rice












我最愛條石班,香港無可能 php300 食到咁大條喔{:2_108:}










準備開餐喇










食完好美味既海鮮餐,今晚做咩好呢?



今日係大綿生日,先去Budget Mart買d酒番去慶祝下啦



嘩,呢支Brandy咁平既,P42!!!!!仲平過麥記汽水噃










大綿因為好鍾意個樽,繼而鍾意朱古力味,於是揀左呢支Vodka,係第三日,佢仲用左呢支朱古力味Vodka煮蝦比我食,你想像下朱古力味Vodka蝦......鳴.....










黎到Boracay,梗係試下Boracay Rum{:2_115:},我揀左Coconut味,點知......大綿又走去攞黎煮蝦.....嗚












大綿生日喔,雖然得我同佢兩個,都梗係要搞個 Mini Birthday Party啦{:2_54:}

出發前已靜雞雞準備好,希望大綿開心喔{:2_115:}












由於呢間Villa係冇生日蛋糕提供的,所以出發前訂了這個 Mango Madness Cake,好好味喔,果然係皇牌!{:2_132:}










大綿要開開心心,事事順利喔!!!