Related Posts with Thumbnails
您好喔! 歡迎來到 Gie Travelism *\(^o^)/*

星期三, 11月 14

愛上長灘島 ( 七 ).轉飛克拉克繼續玩 Angeles Beach Club Hotel



回酒店梳洗執行李後,就依依不捨地離開美麗既長灘島,向陌生的克拉克進發了

我同大綿會乘下午4:15機由Kalibo飛去Clark,但由於Discovery Shores有提供免費接送去Caticlan
airport,所以我地便決定
乘Discovery Shores的車船到Caticlan Pier再搵車去Kalibo Airport了

但亦由於我地掛住玩,sailing完仲走去泳池游水,梳洗再執埋行李已經下午1:15,比Discovery Shores幫我們預定的時間遲了45mins,結果展開了驚險的趕飛機之行

搭船時還未識驚,btw, 望下大綿同我隻手既顏色分別

到達Caticlan Pier時已經過了兩點,由於我地需要行李寄倉,而Check-in
counter會於起飛前45mins關閉,即下午3:30,我們的時間變得非常緊迫,本正準備跑出去搵車,Discovery
Shores的職員問我們是否要找車到Kalibo,我問一下價錢,職員說包van
php1800,本來行出去可能會更平,出面亦有大旅遊巴可以搭,但既然有車可以立即上,我同大綿二話不說便說OK,還著職員請司機幫忙盡快趕到
Kalibo機場,職員知道我們的航班時間也很驚訝,他與司機交待一下後,司機望望錶再向我們說會try the best叫我們放心

等待司機把車駛過來時我開始唔識笑









車一到便急急上車,也忙了影Van的樣貌,亦由於急忙的關係,去到機場才發現有一袋hand
carry不見了,最後一次接觸所有行李是在Discovery Shores酒店上車前,之後所有行李便有酒店職員代為運送,去到Caticlan
Pier職員便把所有行李放到等車處,當Van到達時亦代為搬上車上,都怪自己一路沒有點一下行李,到達機場發現不在車內已太遲,當時又急又亂,記不起對
方有沒有放什麼重要東西在內,但趕飛機緊要,唯有上機前send了email向酒店查詢,看看會不會有什麼消息吧 結果如果? 那手提袋並沒有找回,但回港後有另一個意外驚喜,究竟是什麼,之後再告訴大家吧

所以,提提大家,就算有酒店代為搬運行李,在上車落車也最好點一下,不然就有機會像我們一樣,最後發現行李可能送錯了到另一客人的車



司機果然利害,我們竟然用了1hr15mins去到Kalibo機場,還有 5mins Check-in counter
便關閉,大綿負責拎晒所有行李,我就拎住passport同e-ticket直衝去counter,所以也來不及給機場影相,直到寄好行李去付
terminal fees時,便醒起必需影低這張重要相片,就是Internation與Domestic flight既terminal
fees了,大家可以有個準備喔








我同大綿兩個傻人,因為急急趕完x-ray > 寄行李 > 付terminal fees > x-ray
一大輪後,一行到入候機室見Airasia已經開左上機閘,但又冇人入閘上機,便以為乘客已通通上機了,便又急急衝出去上機,點知. . . . . .
. .





大綿仲影!!!!!! 快d上機啦,我地遲晒喇!!!!!!






點知..........................!!!!!!!!!!!!!!!!!!!!

原來我地係第一個上機,Airasia只不過係岩岩開閘所以其他乘客未行到去閘口,相信當時睇住我同大綿跑去入閘既乘客,一定以為我地兩個傻架






一早起身食過早餐後,游完水又趕完飛機,個肚要係餓餓餓,一見佢地真係有好感動既感覺喔










此程一個鐘既內陸機,沒有飛得很高,所以向下望都會見到風景






我同大綿本來諗住呢段時間訓晏覺點知食完野同大綿傾下呢樣傾下果樣,好快就降落了










同Kalibo一樣都是小型機場,所以都是落機後自行行入機場













直入就是等候行李既地方了

















內陸機不用過海關,直出便可










有些資料單張可參考










一出機場便看見在等候我同大綿的酒店車,我們在克拉克選擇了 Angeles Beach Club Hotel,除了有免費機場接送外,只要想從酒店去Angeles City任何地方,也提供免費接送喔!





看到相中酒店車後的建築物嗎? 那就是機場的Departure入口








Departure入口










Arrival就在Departure的旁邊,距離很近,在此轉機去長灘島的營友可作參考喔








不到30mins車程便到達Angeles Beach Club Hotel,酒店位於SM Mall對面,前面亦有便利店同燒雞攤檔,Jeepney Terminal亦在斜前面,我同大綿都覺得好方便喔!


Angeles Beach Club Hotel agoda 資料:
http://www.agoda.com.hk/asia/philippines/angeles_clark/angeles_beach_club_hotel




大綿說酒店像多年前的澳門大酒店格局








酒店房內有free wifi的,但若需要用電腦,Lobby亦有電腦提供上網的



***房內亦有四仔冇格仔成人電影免費不停播,好像Angeles City大部份酒店都有免費提供的***








呢兩位係酒店職員,身兼Concierge, Bell Boy 同Security,大綿話佢地外表好似黑手黨,係要我同佢地影相

但其實佢地好nice亦好好笑容,放低行李就轉身走冇攞tips的意思,每日見到我地都好熱情開門同打招呼,到後來我地extend左一日走,酒店
full左要轉酒店,我同大綿都好唔捨得Angeles Beach Club Hotel既方便同good service!







我地book既係最普通的Standard Suite,由房間望出去是這樣的










房間內

















落機已經五點幾,到達酒店再Check-in後已經黃昏,我同大綿今日的行程只可以在附近及SM Mall逛逛



在克拉克最普遍的交通公具是Jeepney同Tricycle,每架Jeepney主人都把車身裝飾得好特別









行過見有一個小型的 Micah Bazzar,同大綿又去八下










見到呢間Havaianas攤檔,當然是"致敬"貨,但像真度十足,質料也不錯,實在忍不住








跟住就行過對面SM Mall,SM Mall 是大型商場,內裡有百貨公司、超級市場、戲院、食肆等等









這裡是入口










有一個小型摩天輪在商場中間










OH!!!! 竟然係呢度都見到Fruitas,仲要價錢比長灘島平,梗係要飲番杯啦,嘻嘻嘻










飲杯特別d既粟米Shake先,大綿話好似飲緊粟米湯沙冰呢,Wakakakakaka










跟住見到有Taco賣,又好胃食咁買個試下,都幾好味架,如果大件d就好喇,哈哈哈哈哈











見倒麥當奴叔叔又要影個相,因為由出來做野第一次自己賺錢去旅行開始,去到邊個國家地方都會同麥當奴叔叔影相,因為見到唔同地方既麥當奴叔叔都有唔同形態
動作,有d更會有當地文化特色,好似泰國就係合十雙手,峇里就係玩緊滑浪的,慢慢就儲左一個Gie & Uncle McDonalds
Collection,所以而家仲keep住影架,哈哈哈









大綿話佢又要影,就揀左同呢位功夫公仔影{:2_129:}










SM Mall裡面的 Supermarket 叫 Hypermarket,好似泰國既Big C,形形色色既野都有得賣,我同大綿梗係買得好暢快喔,零食、飲品、紅酒、公仔麵、拖鞋、沙灘鞋、Bra、等等等乜都買一餐,因為唔少東西價錢真係好抵喔可惜的是,原來我掛住買野,一直沒有影過 Hypermarket 既相,所以冇法讓大家看到內裡的樣貌



我同大綿孤陋寡聞,呢種內褲是第一次見,大綿更係非常好奇








因為長灘出發黎克拉克時,個喼已經要我同大綿一齊坐上去先閂得倒,所以買得好開心過後,我同大綿都心知不妙,於是大綿見Supermarket有布喼賣,唯有買一個來運送戰利品回港 好彩有這布喼,回程時我地亦只差少少行李便overload,而我同大綿兩個總共加埋是買了40kg行李的,差點打破BKK番港的紀錄






商場既BB車好得意,有小朋友既父母又有冇興趣試用一下呢










我同大綿行 Hypermarket 真係行得太 Hyper,行到晚上九點幾,準備搵餐廳食飯才發現 SM Mall 閂十點,為左可以慢慢食,今晚唯有先出番對面街Jollibee快餐店食晚餐了
















胃食既我同大綿當然仲未夠啦,行過見有燒雞又買了一隻,番酒店送紅酒,呵呵呵{:2_129:}














今日係長灘一早起身,游水sailing又趕車趕飛機,黎到克拉克又行行行,兩個傻人都已經覺得有點累,所以打算明晚再去見識克拉克的夜晚。