Related Posts with Thumbnails
您好喔! 歡迎來到 Gie Travelism *\(^o^)/*

星期二, 11月 13

愛上長灘島( 一 ).我們的第三度回來.Boracay Gems Villas



因為見今年Cebu Pacific同Philippine Airline都開設左直飛Kalibo航線,而Cebu Pacific仲要不斷推出promotion,令到我同大綿忍唔住又要再去探下可愛既長灘島喇! 可惜Cebu Pacific回程直航由Kalibo番香港既機係
中午機,即係要晨早七八點由酒店起程去Kalibo,早起身對我同大綿係一項非常艱巨既任務,所以大綿就提議不如去克拉克玩幾日,咁就可以下午機先飛走啦,實在係好提議!!!!! 於是今次既長灘之旅就加入左第一次去既克拉克了!!!!!


由於HK飛Kalibo係下午15:50,所以只需要請半日假,lunch都唔食就換衫直飛機場喇



Check in 完之後,食個午餐就上機喇,今次係Gate502上機,2個目的地 + 3間airline + 5間酒店 = 10日大綿生日之旅開始喇!








見網上成日有人話Cebu Pacifc去Kalibo既機冇人搭,亦有營友擔心問過我今次架機人數如何,呢張相係我同大綿坐低之後影的,其他人仲上緊機未坐低晒,不過就我所見外國人較多喔








2hrs30mins既機程係我地訓訓訓之下好快就到了,Kalibo機場細,只開了兩個簡單的 immigration counter






 唯一的一條行李帶,不過行李都好快出黎,我件行李仲係第二件出,好快我就離開機場喇

一出機場門口,就已經見到出發前係Southwest網上book既pick up service人員舉住有我地名既牌喇,實在太good了!!!Total包晒所有費用 php551 一個人由機場送到酒店門口,我同大綿都覺得好good喔! 經Kalibo去長灘既營友,不妨都考慮下丫











Southwest既工作人員,佢地會安排我地上Southwest既車,帶我地上船,再安排我地坐車去酒店,所以好放心喔








同Southwest相認後就上佢地既旅遊巴喇






坐位都寬敞舒適,冷氣仲好勁! 所以好快我同大綿又....










訓足1hr30mins,我地就到左Caticlan Pier了 就黎九點都未食野好肚餓喔,幸好見碼頭對面有Andok's,大綿即刻衝過去買,真係如獲至寶座!!! 係我地兩個如狼似虎咁食既時候,其他6個同車既外國人都過黎問我地係邊度買,我諗大家又飛機又車,一家都好肚餓喇








Southwest工作人員過來一人派一張搭船既boarding pass,究竟相中果個係咩人黎既呢,會所係張boarding pass度既










拍咭入去侯船室喇






由於碼頭有免費wifi,需然短短等10分鐘,我都梗係上下網先啦,呵呵呵










呢架就係去長灘島既船喇






我地個喼又大又重,好彩有工作人員幫我地抬落船








落船之後,工作人員會幫我地搬行李上車.....頂,跟住就出發去我地第一既住既酒店 Boracay Gems Villas 喇










去到酒店門口,工作人會幫我地拎埋行李入lobby,仲完全冇問攞tips就走人,咁既價錢有咁既service,我同大綿都覺得好滿意喔!!!



我地會先住兩晚 Boracay Gems Villas,因為第一晚去到酒店都已經9點幾,唔想住太貴,但呢兩晚將會唔同房喔,因為呢間類似Beach
House的只有4間4種唔同既房,我地book既時候已有其他人book左唔可以連續住同一間,所以我地第一晚會先住Jade Exclusive
Villa,第二晚轉住隔離既Ruby Villa。

Boracay Gems Villas並不在White beach,而是在正正背面的Bulabog
Beach,選擇佢除左價錢較相宜而房間大又企理外,因為佢一行出去就係沙灘,仲可以係Villa睇到日出喔,我同大綿都未睇過呢,平時唔會特登起身搭去
車去睇,但係Boracay Gems就算係廳都已經可以睇到呢


Boracay Gems Villas agoda 資料:
http://www.agoda.com.hk/asia/philippines/boracay_island/boracay_gems_hotel






Boracay Gems Villas 既位置圖























第一晚住既Jade, Jade只屬地下的房間,樓上是另一種房,我地第二晚住的Ruby就會連埋樓上的喔








Jade Exclusive Villa 的客廳












開放式廚房








推開窗簾已經可以望海,出面係私人露台







睡房就係客廳後面喔








然後是浴室,有Jacuzzi,淋浴,同一個戶外淋浴,夜晚睇得唔清楚,所以我在第二日朝早也影了多一張















影完相就急急出去食晚飯喇,剛才隻燒雞已經消化晒了



由於已經9點幾差不多10點了,有些餐廳去到已經說close,所以今晚就食Shakey's Pizza先啦,佢1點先閂門喔










由於今日舟車勞動都累了,所以晚餐後買左d野飲就番去喇,抖足精神,聽朝睇.........日出!!!! wakakakakaka





D'Mall見到的得意機械人






係露台食宵夜吹海風睇星星










係我地兩隻懶訓綿訓得如癡如醉既時候,好彩我突然醒一醒,原來已經日出喇!!!!!!!!

係房門口望出去,好興奮喔!!!!

呢日係大綿生日,亦係我地兩個第一次睇日出,我同大綿講叫佢向住日出許日生願望,佢真係合十合埋眼好認真咁許願,哈哈哈,願大綿你既生日願望成真喔{:2_115:}







跟住我同大綿就撐住 Zzz 眼係度欣賞晨光第一缐原來個太陽真係好似IQ博士咁dun下dun下咁dun出黎架!!












快d出去睇下喇










Wow~~~~~~~ 好靚喔











大綿與日出










睇完日出我地兩個又即刻能源盡失,又要去眠眠了,呵呵呵