Related Posts with Thumbnails
您好喔! 歡迎來到 Gie Travelism *\(^o^)/*

星期四, 5月 30

藍色迷人 Rawa Island + Legoland ( Day 2.1 ).向新山進發







行程第二天我同大綿會轉內陸機飛往新山,但係只有我地兩個去,個喼就冇份喔,點解呢?


由於我地只會在新山留4日3夜,加上航班及入島的船期所限,星期六下午到達新山便只能住宿一晚,之後兩晚會在 Rawa Island ,能夠去 Legoland 遊玩的時間就只剩離開 Rawa Island 那天的下午了,而當天的晚上亦要乘內陸機回沙巴。如果帶埋喼先生去,在 Legoland 玩樂時怎樣安置佢呢喼先生有轆但冇腳跟我地行,唔通要同喼先生手拖手三人行一齊玩!? 其實出發前看過 Legoland 網站,發現是有 Locker 可以租用的,但經 email 向 Legoland 查詢後,我們的喼先生因是30寸的,太大了無法暫住 Locker,於是我便提議同大綿做背囊黨,只帶三晚用品出發,回到沙巴臨走那天才買手信。就是這樣,喼先生就無法見識美麗的 Rawa Island,寄住在 Klagan Hotel 的行李房四日了~~~



所以呢 . . . . . . 我同大綿是反面教材喔夾硬把行程轉過來,還要貪心在有限時間去晒兩個地方......


前一晚咁夜訓,第二朝當然唔願起身啦雖然大綿出發前話會同我去食咖央多士做早餐,但最後我地當然係去唔到啦好彩我之前又預訂了飛機餐,唔係就要餓到五點去到新山先有野食喇......

但 . . . 早上發生了一段小插曲昨晚訓覺時已凌晨三點,於是大家都決定唔出去食早餐,訓到10am先起身,因去到新山要與接送去Rawa Island的司機聯絡,所以大綿就落街買電話咭同順便買個早餐上黎大家快快食,而我就留係房執野,將黎緊三日需要既野塞晒入背囊,大家都說好了11:30am要上的士去機場。但當我執好晒所有野,換好衫再望望錶,11am還未見大綿回來,初時我仲有點生氣大綿是不是周圍行掛住睇野唔睇時間,但再等下又15分鐘仍未見大綿番,我開始覺得唔對路,因為大綿一向好睇緊時間,只有我成日顧住買野食野遲大到,於是我嘗試whatsapp大綿,睇下佢會唔會換左咭可以聯絡到,但卻是毫無反應,於是我就打電話比大綿啦,但是......係沙巴打比大綿要加咩號碼呢? 我好低能咁試過就咁打,+852打都唔得,於是上網查啦,點知竟然有好幾個答案(有可能我太急睇錯),我都唔理全部試晒,但都係打唔出,時間已經到11:30am,大綿絕對冇可能唔記得要出門口架,我開始好擔心,大綿從來冇試過咁樣,我開始諗我係咪應該落街搵佢呢,但如果佢番黎唔見我大家又聯絡唔到咁點算呢? 我愈等愈多野諗,開始諗大綿會唔會比人打劫? 扑頭?? 交通意外??? 突然暈倒???? 愈諗愈驚,愈諗愈擔心,就黎11:45am,我開始眼濕濕想喊,究竟大綿係邊呀?????? 突然聽到門鈴,但應該唔會係大綿,因為以大綿性格,一換左電話咭,佢會第一時間whatsapp我........試電話我好怕係有人黎通知我大綿出事,好驚好驚咁開門,點知,一開門就見到大綿企係度!!! 我當然即時大叫問佢去左邊啦,點知佢話間電話舖搞左好耐都activate唔到張咭,一個試完另一個再試都係唔得,叫佢等等,而佢又繼續等左好耐,最後都係 "唔得",所以佢決定攞走張咭之後自己再試下整,但又已經冇時間去買早餐了。就係咁! 原來就係咁!!!!!!!!! 一隻蠢綿唔識縮短呢個 "唔得" 既時間!!!!!!!! 仲要令我擔心左咁耐兼犧牲埋我個早餐!!!!!!!!! 大綿我比你嚇C喇!!!!!!!!!!!!!!!!!!!!!! 但我冇時間炮製大綿,要趕住飛的去機場了



btw....後來先醒起我個電話係冇裝漫遊,所以無論當時點打都唔會打得出......兩隻蠢綿........


匆匆 check out 同放低喼先生係酒店就係門口上的士去機場。有樣好奇怪的事,我好肯定 check in 同 check out 都有影酒店 lobby,但番到黎就係唔見左,好奇怪........

入到後機室仲有少少時間,比我見到人地食雞冀,個肚即時咕咕咕。。。








於是我同大綿又忍唔住叫了一客,呵呵呵~~~~~~





好味...好味....肚餓時更特別好味




係好胃部享受緊炸雞冀既同時,大綿就繼續努力果張 "唔得" 既電話咭

最後經佢多番努力,終於係新山搭巴士去酒店途中比佢 "ACTIVATE" 到喇





上機出發去新山了




一人一隻雞冀好快被胃液溶化,見到有野食真開心










食飽飽眠一眠時間好快過,我地到達新山 Senai Airport 喇




全機人也要經這條樓梯上機場





雖然一人揹一個背囊,但還是要加一個行李袋才足夠,所以都是要等行李