Related Posts with Thumbnails
您好喔! 歡迎來到 Gie Travelism *\(^o^)/*

星期三, 7月 31

迷人的 Bantayan Island.Day 1 (Part6) 去街市買魚



今日真的曬夠了,還未出島我倆已經曬到紅卜卜所以離開sand bar後就決定明天再同陽光玩遊戲,現在去街市買今晚的晚餐喔!

Bantayan Island的街市不像長灘島專做遊客生意的D'Talipapa,這裡的是真正的地道街市,當地人亦是在這裡買餸的呢


看到 Santa Fe Public Market 就是了




三輪車夫直接駛入市場內在魚檔前讓我們下車







看見今日漁穫豐富,有很多不同種類的大小魚,也有大墨魚,但不見蝦蟹,檔口姐姐說我們太晏了,蝦蟹一早賣清所以提一下喜歡蝦蟹的營友,想來個魚蝦蟹餐要早d去喔!!!

我與大綿十分喜歡吃魚所以決定今晚來個魚魚餐!!!






我負責揀石班今晚清蒸大綿就去揀 Snapper 魚來燒

之前在長灘島D'Talipapa買過兩次石班,size比這裡大少許的一條約P120,也試過要P200,所以當時亦以這價錢作標準準備講價

在我揀好兩條中size石班放上磅後,檔口姐姐說 P30 ! 我當時覺得我聽錯問多佢一次,佢再話 P30!我問 P30 一條? 佢話 Two! 

我難以相信即刻同大綿講 

Gie : 30蚊兩條呀!!!
大綿: 30港紙兩條? 嘩,好抵呀!!!
Gie : 係 30 Peso 呀!!!
大綿: 你係咪聽錯,係 300 Peso 呀?
Gie : Thirty 同 Three Hundreds 點聽錯呀?????
跟住我拉埋大綿再問多次係咪 P30 兩條,檔口姐姐好R頭望住我倆再 say yes,我倆真係一齊碌大對眼掹大個口,即刻 ok ok!!! 

P30 約港幣 $6,$6 兩條石斑!!!!!!!!!!!!!!!!!! yeah~~~~~~~








買左石斑之後再揀snapper魚,仲記得係長灘Cyma食過一條燒snapper太好味,之後念念不忘,當時時價是約 6xx Peso。

揀左一條同長灘食既snapper差不多size,較大條的,這裡賣 120 Peso,雖然都平,但我同大綿都奇怪一條snapper竟然貴過兩條石班!? 會唔會係我倆剛才買石斑太開心既樣比賣snapper既檔主見到,所以收貴少少呢? 下次都係唔好太興奮了,哈哈哈哈哈


仲有好多其他種類既魚,我地決定明日出島前再來買魚出島bbq









除左魚檔,市場當然仲有菜呀、生果呀等等賣呢









行完街市就帶三條魚番resort,打算今晚找resort餐廳代煮喔

回到resort立即把魚交給resort職員,再問一下兩條蒸,而另一條燒的烹調費是多少,職員說P100,我倆認為P100一碟很合理因為長灘餐廳的烹調費也需P100-P150一碟,怎料職員覆述一次時竟說total P100!!

OH~~~ 這餐石斑+snapper晚餐的價錢就是 P60 + P120 +P100 = P280,即約 HK$56,Hohohohohoho

由於只是下午5點幾還未到吃晚餐,所以我們打算去泳池游下水同去resort出面沙灘玩多陣先喇






泳池d水好涷喔!!! 都係出番去沙灘好d,太陽已經開始落山,應該唔曬了


又見到細細隻游得好慢既水母,我地又好痴線咁跟住佢地游,其實見到水
母是好應該速逃的,大家切密模仿.......














游多陣水本來打算番上房沖涼再食晚飯點知好胃食既大綿突然話想食Halo Halo,咁我咪叫佢去resort餐廳食啦,佢竟然好似小朋友咁話剛才由街市搭車番黎時見到一間餐廳門口寫住有Halo Halo,仲有個 "Special" 字,即係 "Halo Halo SPECIAL",會唔同d個喎.....Ok Ok....見呢度搭車平又近,換件衫陪大綿出去尋找 "Halo Halo SPECIAL" 





我地坐三輪車沿番去街市條路行,原來就是在街市隔離的 Cou Cou Bar,大綿就是被這個好大杯的 "Halo Halo SPECIAL" 牌吸引了證明大大杯既雪榚牌除左小朋友,對大人都好有效架










大綿當然立即叫個"Halo Halo SPECIAL" 啦,而我已經開始肚餓,所以要了一杯Pinapple Shake同燒魷魚筒了


這就是 "Halo Halo SPECIAL",大綿食得好開心好滿足而我就覺得佢真係好special....甜!!!








我的pinapple shake同燒魷魚筒,個燒魷魚筒真係好好味我同大綿都推介

魷魚筒內鑲左醋加蕃茄洋蔥生菜絲,惹味又醒胃,佢有個菜名但我忘了,但menu上有相片可以指給店員看喔!















大綿好滿足咁清晒佢既 Halo Halo SPECIAL,仲話聽日要黎食多次。。。

所以喜歡甜品絕對不是小朋友同女士的專利,呢位男士就好鍾意食喇,所以肚腩是天天長大天天blow(肚腩被吹漲呀!!!)


跟住比大綿見到有出面有菲小島的美味燒雞,佢仲話要買埋黎今晚加餸!!! 但我地已經有三條魚喇,我即刻阻止佢被肚腩控制思想.......






在Cou Cou Bar附近,亦有其他Bar同Pub,主要都是外國遊客多








見到一間外型幾靚的教堂






其實仲有一些BBQ同燒海鮮的餐廳,但因為這個時候才逐漸開檔,所以明晚才去幫襯同埋影相,稍後再post上來喔

然後就番resort準備食我地既魚魚魚晚餐喇

由於Hoyhohoy Villas只有6間高腳屋,所以客人不多亦很寧靜,今晚resort餐廳亦只有我倆,職員們全都在serve我們,像包場一樣


先來我們的清蒸石斑,估不到竟然蒸得與我們的香港口味差不多,good!






然後是燒snapper魚,我同大綿都好鍾意,好香口厚肉,尤其沾魚的鼓油,職員說是用
鼓油 + 醋 + 洋蔥粒混在一起,非常醒胃!!!

後來出島時燒魚又再遇上相同鼓油,如果有得賣,我一定買番幾支番黎,wakakakaka










條snapper都唔細喔,最後我地都食唔晒呢,好彩冇買埋燒雞咋




食完飯行出草地抬頭一望,不得了! 不得了!!!!!!!!!!

簡直是天幕影院,仲要係超立體!!!!!!! 相信去過長灘島的營友也看過菲小島的萬天星空是那麼的迷人 而可能因為 Bantayan Island 的光害更少,這裡的星空就像3D一樣,抬頭看是有遠有近,仲會郁tim呀!!!!!!!! 可惜我地沒有帶單鏡機去,只用了手上的DC免強用有限的manual mode去影,所以出來效果會差一點,但實景真是超美喔!!!!!!

很好笑的職員見我倆企係度係咁望天,以為上面有什麼也走出來看看,我們說天空很多很多星星超美,但對於他們來說實在是見慣了並不覺特別喔









我同大綿訓左係草地的沙灘椅上欣賞星空,吹住海風聽住海浪聲,真係好舒服好寫意

直到大綿因太寫意開始恰著,我地先番上高腳屋沖涼訓覺呢