Related Posts with Thumbnails
您好喔! 歡迎來到 Gie Travelism *\(^o^)/*

星期三, 5月 21

【台中】尋訪風味小店.蟹皇沙母粥



去台灣好多人都喜歡去夜市掃街,我同大綿都唔例外喔,但亦都要尋訪下當地小店美食,今次台中之行就試左「獅兄弟風味小酒館」,一間在
台灣網上評價很高的台中地道小店!

第一次看到「獅兄弟風味小酒館」的有關文章,就被那金黃色的蟹皇沙母粥所吸引,對於所有有殼海產都極之喜歡的我,決定要去試試係咪咁好味喇!!

蟹皇沙母粥當然是招牌菜、而鹽焗淡定蛤同宮保皮蛋亦是網上推介之一,另外仲有菲力牛,上桌時會點火,仲有好多特色惹味美食如胡椒風螺、金沙苦瓜、辣蝦麵線、芥末蚵青、勁辣大蝦餅等等,可惜我們只有兩人試唔倒咁多,但食完之後,我同大綿已經一致地說下次再來台中一定要encore!!!


獅兄弟就在轉角處,很容易找喔~






我們點了蟹皇沙母粥、鹽焗淡定蛤、宮保皮蛋同台灣啤酒,點菜後會先送上免費前菜,不要看外貌好像麻麻(我同大綿初初都係咁,wakakak!!!),兩碟都好好味,我同大綿都清晒,尤其後面碟麻油海帶,正!




第一碟上桌是宮保皮蛋。其實本身我唔太食皮蛋,不知怎的硬是覺得有陣奇怪味,但因為呢度既宮保皮蛋係推介菜之一,加上網上都說讚,於是即管試試,點知............惹味到主要成碟比我食晒,Wakakakakaka!!!!!! 但緊記要趁熱辣辣食最好味,唔好掛住影相喔! 哈哈~





跟住蟹皇沙母粥來了! 係煮之前店員會先拿來生猛周身郁的新鮮大蟹給你過目,不要以為入左廚房會偷龍轉鳳,因為小店的熊熊烈火廚房就在門口,你可以看到你的大蟹被烹調的過程呢! 

此蟹粥真是無得頂!!! 何止要比手指公,我直情比晒十隻手指!!!!! 好好味呀!!!!!!!!!!!!! 大蟹鮮甜不在講,啖啖肉得來好彈牙,d羔仲多到成窩都係,睇個蟹蓋就知有幾多羔~~~~~










然後鹽焗淡定蛤都同時上桌了,其實焗蜆是清甜可口的,可惜蟹皇沙母粥實在太太太鮮甜了,先吃了蟹粥再食蜆會奪走晒蜆的甜味,所以我同大綿都強烈建議大家,先吃了蜆才慢慢品嚐濃濃的蟹粥喔!




當我們正陶醉在美味的食物中,店員送來一碟小吃,說是老闆送的,每枱也有喔~





獅兄弟風味小酒館
地址: 台中市柳川西路2段150號
電話: +886 4 2220 5592
營業時間: 17:00 - 02:00
備註: 蟹皇沙母粥需預訂