Related Posts with Thumbnails
您好喔! 歡迎來到 Gie Travelism *\(^o^)/*

星期二, 7月 15

【巴拉望公主港】Aziza Paradise Hotel 住宿分享及我與大綿的酒店推介


近日都有朋友仔問及我同大綿在公主港住了那間酒店,那就先把我們住過的 Aziza Paradise Hotel 相片post上來給準備去公主港的朋友仔參考,另外
在選擇酒店時也有一些個人建設及覺得不錯的酒店希望與大家分享一下喔! (^。^)/


我同大綿是第一次去公主港,所以開始揀酒店時都不知道應該選擇那個區域才較好,經詳細看過地圖及有關出島等活動資料後,我們把酒店分為三類:

1. 市中心的酒店
由機場出town近,一般酒店在5mins至15mins車程,鄰近商場及餐廳

2. 近海的沙灘酒店
離市中心較遠,但酒店較大,另因公主港的靚海灘主要在外島,在公主港島上的沙灘都不要太大期望

3. 外島酒店
需要乘酒店船到達


由於我同大綿只去四日三夜,主要出島同陽光海灘玩遊戲、食野同行下市中心景點,為免轉酒店需時,這次選擇了離機場15分鐘車程的 Aziza Paradise Hotel 了。~( ̄▽ ̄)~

Aziza Paradise Hotel 在2013年尾開幕,是公主港其中一間新酒店。我同大綿當初打算找一間近商場而又有泳池的酒店,而 Aziza Paradise Hotel 就在 Robinson 後面不遠,我們每日出完海番黎必去買隻燒雞 + Buko Shake係泳池邊嘆下,佢既泳池雖然不算好大,但環境也美麗走modern路線,仲會免費借沙灘毛巾比住客出島用。我們因為是轉凌晨機去公主港,加上酒店有免費機場接送,早上9時已到達酒店,酒店也給我們early check-in,令我們已可即時放低所有野換衫出島去! 另外酒店員工真係親切同幫忙得無話可說,除左好交帶地幫我倆打電話去book出島tour同訂台食晚飯,係我出發前靜雞雞email聯絡左酒店方面想比個birthday surprise大綿,請佢地晚上12點送生日蛋糕到酒店房,當我到達酒店時一直聯絡開我的職員小姐竟然趁大綿check-in時偷偷走到我身邊自我介紹再細細聲同我講話一切準備好,到大綿寧轉頭望見我倆傾談時佢即刻大聲話歡迎我地黎,話之前email聯絡過有關confirm booking,所以出來say個hi,大綿完全冇懷疑,哈哈! 真係又醒目又貼心,而到當晚12時,更.......睇埋落去就知道酒店有幾窩心喔! ( ~_~ )


先來看看酒店Lobby



Lobby的左手邊是吃早餐的餐廳,訂房也有包早餐,可是我們慣性地起唔到身,所以沒有試過。。。



餐廳旁就是泳池





泳池旁的 Pool View 房



園景房


跟著到我們的房間了,我們的房間是在二樓的Presidential Suite,名字是不是很威武,Wakakaka!!! 但其實只是一般的 Pool View Suite,只是酒店優化了名字,因為大綿生日所以就book間好一點喔,否則住Deluxe Pool View已感不錯,而這間Presidential Suite正正對著泳池中間,當拉開晒窗簾看著一整塊落地玻璃的池景,真是很舒服喔,而房價是HK$950一晚包早餐及機場接送,如果住Superior或Deluxe,則可平HK$100-200一晚。















黃昏時由我們的房間看出去






大綿與我出了兩天海,每次黃昏番到酒店都會在泳池邊嘆燒雞+Buko Shake,看到下圖大綿的背影嗎,嘻嘻~






出去食飯前再游多陣夜水,呢張相二樓間房就係我同大綿間房喇! 








至於大綿生日當晚又點呢? 晚上12點準時有人襟門鐘,我當然知道是送生日蛋糕來喔,於是扮晒好緊張咁叫大綿去睇下邊個咁夜,點知一開門連我都嚇一跳,成村酒店職員在房門口點晒蠟燭一齊唱生日歌,果一刻真係連我都感動埋,是繼Boracay Shangri-la後,第二次酒店會有咁surprise既安排,但想一想Boracay Shangri-la每晚既房價是Aziza的三倍,Aziza的服務真是冇得頂!!!

因為我係房入面影唔晒,其實出面有最少十個酒店職員喔!!! (
⊙o⊙)


以下是 agoda.com 的 Aziza Paradise Hotel 資料給大家參考:

離機場15分鐘車程,免費機場接送,有泳池,包早餐及free wifi



另外,以下酒店我自己都覺得不錯,主要看各自所需,給予個人的少少意見以供參考:


市中心的酒店


One Manalo Place
http://www.agoda.com/zh-hk/one-manalo-place/hotel/puerto-princesa-city-ph.html離機場5分鐘車程,到市中心 NCCC Mall 乘 tricycle 約3分鍾,有免費機場接送,有泳池,包早餐及free wifi

Sunlight Guest Hotel
離機場10-15分鐘車程,可步行到市中心傳統市場、NCCC Mall等,有免費機場接送,但沒有泳池,包早餐,部份房間有按摩浴缸


平價之選

Go Hotel Pureto Princesa
離機場8-10分鐘車程,就在Robinson旁邊,沒有泳池,free wifi

Islands Stay Hotel Pureto Princesa
由機場可步行5mins至酒店,沒有泳池



近海的沙灘酒店

Princesa Garden Island Resort & Spa
http://www.agoda.com/zh-hk/princesa-garden-island-resort-and-spa/hotel/puerto-princesa-city-ph.html
2014新開酒店,不在市中心,有泳池,如計劃入住,而短留一至兩天享受酒店設施,因搭車出市中心來回較遠,但酒店內飲食會貴一點



外島酒店

Dos Palmas Island Resort & Spa
在外島,酒店有免費車船接送,有泳池


最後,由於巴拉望是很大的島嶼亦不只一個機場,預訂公主港酒店要留意不要訂錯地區,以下是公主港範圍的酒店連結: