Related Posts with Thumbnails
您好喔! 歡迎來到 Gie Travelism *\(^o^)/*

星期三, 9月 3

迷人的 Bantayan Island.Day 2 (Part 3) & Day 3 (完) 食在 Bantayan Island 及 船期表




Day 2 (Part 3)

離開 Virgin Island 後,我們便駛向 Hilangtaga Island 對出浮潛了

這裡是珊瑚區,但魚兒好像很怕人,我還未來得切
拿麵包出來牠們已急急游遠去。。。











如果只論浮潛的話,相比其他菲小島 Bantayan Island 像是遜色一點喔~

跟著我們便回航番 Resort 喇,船家會直接駛到 Hoyohoy Villas 的沙灘比我地落船,好方便的,嘻嘻~

點解大綿係菲小島會拎住泰國既小老闆紫菜呢!? 唔係菲小島有得賣,係我地之前去曼谷買得太多未食晒,大綿成日要食野,所以我會袋住d零食係身邊,Wakakakaka!!!!!







然後大綿就嚷著好肚餓要去食佢果個 Halo Halo SPECIAL 喇.......








今晚是最後一晚在 Bantayan Island,大綿想食 Pizza,而我就想食 BBQ,咁點好呢?

就兩樣都食晒啦,Wakakakaka!!!!!

First of all,又黎大綿的 Halo Halo SPECIAL





我就要左香蕉船,係咪好奇怪的兩個人,正餐都未食但食左甜品先!? 我都唔知點解,呵呵呵呵呵~~~~





然後小食甜酸炸雞! 唔錯唔錯,兩隻餓綿風速掃晒)))))))))





當然唔少得菲小島 Pizza 啦! 之前介紹過的又平又正菲小島速遞 Pizza 是大綿至愛,好開心介紹過比朋友仔都讚好,雖然 Cou Cou Bar 呢個都唔錯又多料,但價錢就沒速遞 Pizza的三十幾蚊港紙大批咁開心價喇,哈哈哈~







拿拿拿.....以上應該叫下午茶,因為我地一食完又過去對面食下一餐,Wakakakak,下一餐先係晚餐,岩唔岩先,Hohohoho~~~~


對面食咩既呢? 就係 BBQ 喇,有海鮮有串燒,價錢又平,好受島上既人歡迎架! 係咪睇相已經好吸引呢,嘿嘿....





先開支......一公升可樂先啦,哈哈哈,承惠 P30,係咪好抵要盡情飲,哈哈哈~~~~





其實剛才食完雪糕又炸雞又 Pizza,我同大綿都飽飽地,但最後一晚一定要食多d食多d,唯有叫d少份量d啦,BBQ野食要耐d時間,食住碟茄汁炒蝦先丫~




出面見燒魷魚好吸引,我地又叫一隻,嘻,好香口,正!








再食埋隻燒蟹,真係好飽喇~~~~~~





以上BBQ同炒蝦都係 P70 - P100 一樣,之得剛才唔食咁飽過黎呢邊食啦,都冇食到燒帶子呀、蜆呀、燒魚呀、串燒呀,唔制呀!!!!!!!


食飽飽,行過去士多再買d野飲就番 Resort 喇,聽日下午要坐船離開藍色小島喔,嗚~






Day 3 (完)

同樣地,我同大綿都係11點先起身,所以起身之後就係食午餐,呵呵


隨便上一架 Tricycle,再隨便請司機向前行,兜左陣就揀左呢間餐廳喇,幾放鬆幾隨意幾relax的假期呢,wakakaka~~~





島上最後一餐,我一定要再食燒魚呀 )))))





小島既魷魚真係特別鮮味,唔同平時食果d好似食橡筋冇味果d架,所以我又要食多次先走~




大綿就叫左酸甜炒蟹,啖啖肉,個汁撈埋落我很喜歡的Garlic Rice度,正正正~





呢個午餐係咪唔錯呢,Hee~~~~~





貓貓你在看我的魚嗎???







因為我們是夜機 22:15 由 Cebu 回港,所以打算乘下午 16:30 船出島,食完午餐還有時間,我地就決定番 resort 按摩喇~

如果我沒記錯,Resort 的按摩是 P250 1.5小時,Resort 本身沒按摩師的,會為客人由按摩店安排過來,按摩師們都是穿整齊制服,很驚訝小島有這樣的按摩店!!! 本來近沙灘有個涼享是用來按摩的,環境也不錯,但 Resort 的職員好好人,說我們的房間今天沒有被預訂,建議我們在房內按,說有冷氣舒服d喔~






時間剛剛好,按完已差不多時間準備走喇

Resort 有免費碼頭接送,但因 Golf Car 被其他客人使用中,所以 Resort 找了架 Tricycle 載我們去碼頭,沒有收費的





唔駛三分鐘就見到 "Thank You, Come Again",我們到碼頭了





來往 Hagnaya 及 Santa Fe 的船由兩間不同船公司經營,航班時間有所不同,計劃去 Bantayan 的朋友仔要留意喔! 我們的 Resort 很細心,在出發來 Bantayan 前已向我們查詢有關回港的航班時間,並建議我們乘 16:30 的船,本來我們想留耐一點乘 17:30 的,幸好聽從了 Resort 的建議才剛剛好時間去到機場,連本想在外面食個晚飯也乾不及喔!

另外 Resort 亦會在早上幫我們 Check 一下當天的船期有沒有改動再 confirm 一次我們時間離開,我同大綿都給個讚!





Super Shuttle Ferry 的船期表,即我們來 Bantayan 時乘的船




Island Shipping Corporation 船期表




今次我們來回都是乘 Super Shuttle Ferry  呢





另外也需付 P5/人 Terminal Fee





跟著順碼頭旁的路直去上船便是了





Bye Bye Bantayan!!!! 好鍾意呢度個海成日都有雲倒影,前面d相都有架~

















我同大綿好陶醉咁訓訓下就到岸喇,天已經開始黑了





突然一陣味令我倆精神為之一震! 原來碼頭有檔串燒!! 梗係買番兩串食下啦!!!





接我地既司機已到左,買完串燒就上車去機場

沿途我倆仍然是繼續好夢,到札醒既時候見有d塞車,時間唔容許我地去食個晚餐再去機場了,唯有去到機場先食啦








入左禁區後有3間餐廳,我們選擇左食個簡單的快晚餐,又要急急上機了





估唔到個飯都ok,味道不錯,可能我肚餓喔,嘻嘻




準時上機,藍色假期正式完結囉